ولد لطام ياهل الريسات

السلام عليكم ورحمة الله وبركاته

كيف حالكم يالربع عساكم طيبين

عندي مفرود يحقق وابوه لطام بعير الامير سلطان بن محمد ال سعود صاحب الهجن المعروف ومالك شركة مراعي

وهذا القعود من اول انتاج البعير

القعود امه من اصل هجن ال مره
وابوها المسك من عيال المسك بعير الشيخ زايد الله يرحمه واموت المسلمين
القعود للبيع لاني ماني راعي تضمير ولاهو ببكره اخليه وانتج عليه
واهل الصنف لهم نظرات ماتخيب
وارجو من اهل الصنف من اهل الهجن اذا ماعليهم كلافه يعطونني رايهم في القعود على الخاص

وهذي صورته



اخوكم راشد العرق

اخوي راشد ما اقول الا ان الله يبارك لك فيه ويوفقك ...
انت لو تعرف لطام مضبوط ماتقول هالكلام, لطام هذا يعد من اقوى الفحول اللي مرت على منطقة تبوك(شمال غرب السعودية), حيث ان عياله وبناته معدودة اللي في المنطقة
مع العلم ان الفحل جانا سنة واحدة فقط , وجميع انتاجه ركض في المياديين السعودية
والان الاشخاص اللي احتفضوا بانتاج لطام نتجوا منهن : ولد بنت لطام معروض في الموقع (ولد ضبيان) في الجبش والهجن الاصايل
,ولد ولد لطام يركض في الميدان الأن بسن ولد خلفة في ميدان تبوك وفي رصيده اربع مرات أول , واسأل عامر بن رفادة المري عن القودا( بنت لطام)
هذا أنا اعد لك اللي أعرغهن وما خفي اعظم.
اتمنى منك ياخوي يا راشد تفيدني بمعلومات عن لطام حي والاميت؟ وين محله بالضبط ان كان حي؟ وفااااااااااااااااالك طيب