الفحل الاشقح يامدور العموق الطيبه

البعير ببيعه نظرا لتوجهي للصفر
اللون /اشقح يحذف شقح وعفر
العمر / اكبر بناته جذعات
الاصل/ على الشبح بعير خشم العان السبيعي ومن جه الام من خيار البل صورتها بالمرفقات

وضع البعير وحالته/ سااااالم جميع العذاريب وطبعه زين يقيده الورع

معلومات عن البعير/البعير ولاد عند شايب وهو اللي مضرب امه من بعير خشم العان بنفسه ابله مقيمه اسمه مضيان بن نايف الشيباني وبنات البعير جذعات ولقايا وحقايق وحيران عند ذا الشايب ومكانه في حفر العتش
البعير مبيوعه حقه عليه الان عند سلمان الفراج السبيعي انشدوه منها شاريها والله اعلم 85 وتسام عنده 115 شاريها من شيباني والشيباني شاريها من مضيان بن نايف الشيباني راعي البعير الاول والبعير عندي الان
وارجوا منكم ماحد يسوم الا الصامل وودي ماتسومون الا الين تشوفونه طرحه بعيونكم واللي يبي يشوف طرحه اركب انا وياه في الوقت اللي يبي ويشوف طرحه دقه وجله

شوفوا المرفقات صوره البعير
وصوره امه
وصوره اكبر بناته جذعه تسام ب80000 يسومها صنهات بن مجيهير الشيباني
للاستفسار الاتصال على رقمي0546448983

والله الموفق

رد: الفحل الاشقح يامدور العموق الطيبه

اخوي عبدالله حياك الله
البعير وش سنه ؟
وهل انتج عندك ؟
وهل عليه سوم ؟
والشيباني موقعه وين من حفر العتش ؟
وين موقع البعير الان ؟

رد: الفحل الاشقح يامدور العموق الطيبه

ارحب ياحمد
اشتريته الشتاا اللي راح ولا بعد انتج توه
لكن انتاجه عند الشايب مضيان الشيباني
شد بابله في ثادق
اي وقت تفضى نروح انا وانت للرجال وناضرررر بعينك ازين
وسنه الله اعلم مثني الشق
ولا بعد سيم

رد: الفحل الاشقح يامدور العموق الطيبه

ارحب يابو سليمان
الفديو من اهم شروط السوق
سيتم حفظ موضوعك لحين اكتمال الفديو وارجاعه لسوق
انتظر تواصلك