العجم الطيبه ياهل مزاين

فيه بكره طيبه جدا
معروضه في سوق الحسا
لاتطوف اللي له خاطر في الطيب اللي بيروح بسعر رخيص


البكره حقه تلقي في الصيف
ومشتراها حواره باربعين الف وسيمت ب 70 الف ولا باع راعيها

ونظرا لظروف ماسه وداها لسوق الحسا
والحين سومها في السوق 15 الف فتح الباب وسامها واحد من الربع ب 20الف بالتلفون
والبكره على مسؤليتي انها تصلح للجمل وتستاهل اكثر
وانا ودي ان الطيب عند واحد من اعضاء المنتدى ويكون عن طريقي

والرجال ظروفه ماسه وبياع واللي يدور للطيب يلحق عليها في شبك ابن نشير في الحسا
تراها عند المتصرف بتجيب من سومها القديم واكثر بعد

وهذي صوره ولو انها ماهي واضحه وهي على الطبيعه ازين
الرقبه طويله والمنحر وسيع والسبله ظافيه



اخوكم راشد العرق

ياراشد البركره 25 الف بعد ماشوفها

بشرط انها درجه اولى في لجمل

بيض الله وجهك يابوعلي

والله يرزق راعيها وياك من واسع فضله وشفها وانتظر منك اتصال

[align=center]يالشيخ راشد ياليت تنزل لها صورة واضحة وحديثه ولاعليك أمر[/align]

البكره طيبه ولكن ودنا نشوفها...........هل هي موجوده بسوق الحسا الان.

بسم الله الرحمن الرحيم
مرحبا بالاخ راشد ابو علي
ماشاء الله تبارك الله
الزين بين ان صغرته أو كبرته
والبكره زينه
تستاهل البكره اكثر
وبيض الله وجه بن هدفه على السومه
ولامهونت للباقين

اخوك ابو مطر

نبي صوره اوضح ولا تهوووووووون

هلا وغلا يابوعلي
البكره طيبه وزينه بس انها قصيره شوي على سنها

اخوي راشد بارك الله فيك هذا موقف يحسب لك

مرحبا بالجميع وحياكم الله
والبكره في معرض ابو هلا

والبكره ياعيد ولا يهونون الربع ماهي قصيره ولا هي باطول اللي في سنها يعني فوقها الناهيه وتحتها واجد

البكره صورتها غلط
وظالمتها وفيها جل زين
والله يبارك لهلها

وأهل المجاهيم أدررررررررررى مني

الله لايهينك ابيك تشوف الرجال كم حده في العجم

ياراشد الله لايهينك ابي الرد بسرعه كم حد الرجال فيها

السلام عليكم ورحمة الله وبركاته

العجم وصل سومها اليوم 30 الف والرجال بيااااااع
ولا له حد نظرا لحاجته

واللي له خاطر يالربع لا تروح عليه
لا احد يقول لو اني داري انه بيبيع بذا القيمه كان اشتريتها
تراه بيبيع وهي عادها تستاهل اكثر ولا هو ببعيد من السوم

الله يرزقه وياكم من واسع فضله

اخوكم راشد العرق