ابل مجاهيم للبيع

السلام عليكم ورحمة الله وبركاته

للبيع ابل مجاهيم عدد 14
5 لقحات ديودهن سلم وحده فيها مقدم كبير شوي
عشرا تحتها بكره سلم غارز واحد من خلفتها
رحول عمانيه هديه بالحيل
حايل زمانين شريتها لقحه واصعدت والعام اضربها البعير اكثر من مره ولا لقحت
2 اجلاب من العام وحده لاهج بنتها فيها للحين والثانيه شريتها في الربيع ميته بنتها واضربها البعير مره وحده ولقحت وكسرت على اخر الربيع وخليتها لان ديدها خربان بالمره والناقه ناهيه بالزين
جلب بايع ولدها قبل اسبوعين وفيها شق خربان وولدها اسمن الحشوان
3 بنات لقحات


مكان البل في الافلاج
وللتواصل جوال 009659471818

مرحبا يا ضافر اذا ممكن ولا عليك امر ترفق لنا صور البل
وتذكر لنا سومها ان وجد فهذا طيب.

لاهنت يا ظافر والله يوفق الجميع

نبغي نعرف سوم البل واذا عندك صور تزود الجميع بها والله يربح البايع والشاري

لاهنت يا ظافر و الله يوفق الجميع

حياكم الله والله لا يهينكم على المرور
بالنسبه للصور ما عندي شي منها والبل ماهي قريب
والسوم ماعليها سوم
وانا بياع ومانيب غلاوي فيها
وسبب البيع اني مودعها عند عمي وانا تعبت من السفر وتمتير الخطوط

وينكم ياهل البل والربح ترى بياع

مرحبا يا ظافر ما تقدر تجيب لنا صور للبل عشان الشرااي يسوم عشان على ما قلت البل بعيد وحنا بعيد بعد ولاكن اللي بيصمل على البل بيجيها حتى ولو هي بعيد بس يا ليت ترفق لها صور اذا تقدر

ولاهنت على كل حال

حياك الله يابومبارك والله يمكن ماروح الا اول رمضان ولاجيتها انشالله صورتها لكن مايمنع احد يسوم باللي يخارجه ولابه بيع لا لين يشوف

ياهل البل لاتروووح عليكم
البل حد 7000 والله يربح الشاري
009659471818

وينكم ياهل المكاسب والارباح
البل والله رخيصه
ومافكرت ابعها الا لنشغالي عنها

ارحب يا بو تميم الله يوفقك ويوفق الجميع بس ماحد يقدر يعطيها سعر يا ظافر الا بعد ما يشوفها

والله البل ماهي قريبه مني تبعد تقريبا 1100كيلو

[سعد فهد الدوسري]

ارحب يا بو تميم والله يربحك ان شاء الله
وعجل علينا بالصور

مرحبا يا ظافر

حاول تنزل صور

يا ليت تنزل الصور