وايت ماء

يا اخوان السلام عليكم ورحمة الله وبركاتة
الله لا يهينكم الجميع اللي عندة جمس او شفر ومرهمة وايت يعني منزل البدي ومركب محلة وايت صغير يذكرة لي ولة كل الشكر الموديل مفتوح مافية مشاكل اهم شي تكون محركاتة زينة

عندي ونا ابو هندي

جمس مديل 82 ابيض طبعاً كبير مثل حقات شركة الكهرباء او الي توزع الببسي ونضيف استمارة مجددة في رمضان ودايم واقف لاانه اعبيه ماء حلو فقط للشرب ولا يروح الا لشيب كل شهر مرة والشيب مسافه 10 كيلو

يشيل 8 الى 9 متر وعلى فكرة العايدي يشيل 12 متر اعتقد كفرات جديدة وعلى فكرة الموقع بين الرياض والخرج
اذا كنت من اهل الرياض

اخوي محمد الله يرزقك بمطلوبك

اخ فالح فلاح حياك الله كم حدك بالمبروك وذا ممكن صورة او تعطيني رقم تلفونك

[img][/img]


هذي الصوره المطلوبه

نسمع سومتك الطيبة

اخ فلاح كم حدك فية يا غالي انا اللي بسمع حدك انت راعي الحلال وانتظر منك الرد

أخ فالح .... السلام عليكم ورحمة الله وبركاته
كم حدك في السيارة أو رقم جوالك للمفاهمة
والله يعطيك خيره ويكفيك شره

شف اذا انا اقول سم ونت تقول حد

طال الطويل ونت ماشريت ونا مابعت

لاكن سم ون ما جازلي سومك بيفرق السوم غيرك ونت سم بلي يخارجك بس شف الاسعار اول والنظافه وعط الموتر حقه

انا اقول لك حد لانك اعلم بموترك مني ومن غيري يمكن يكون موديلة صح قديم لكن الموتر نظيف ومحشوم وخاف اسومة بسعر السوق ثم اظلمة لكن انت راعي الحلال وقول اللي بخاطرك والله يبارك لك فية ان شريت ولا ماشريت
وذا علي السوم انا بسوم الموتر بــــ 20000

الله يعطيك العافيه ويجزاك خير

ماقصرت وسومه طيبه من وجه طيب ولاكن السيارة انسامت البارح
31 الف من جار لي في البر ولا بعت وحتى لو قال خمسه وثلاثين ماراح ابيع
لن النضيف غير

اخوي فالح جعلة يتبارك الموتر والله يبارك لك فية الموتر النظيف يستاهل دراهمة

الله يربح البايع والشاري

ويرزقك البيعه الطيبه

الله يبارك للبايع والشاري

الله يربح البايع والشاري