مطلوب مجاهيم للبيع

بسم الله الرحمن الرحيم
السلام على الجميع
مطلوب من 25 الى 35 نياق مجاهيم دق وجل
مزايين وتكون قد فازة في اي مسابقه معروفه و وسمها واحد
يعني ماهي تجميع شريطيه اذا جيته قال طلبك موجد وتتفاجاء
انه ملقطها من العزب والشبوك هذا الشيئ مرفوض
عنواني في المنطقه الشرقيه
والشكر للجميع

الله يوفقك لما يحب ويرضى

وتلقى ان شاء الله مطلوبك وبالسعر المناسب

ـــــــــــــــــــــــــ

الله يرزقك يابندر

ههههههههههههههههههههههههه

الله يوفقك لما يحب ويرضى

وتلقى ان شاء الله مطلوبك وبالسعر المناسب

أسأل الله العلي القدير أن يوفقك لما يحب ويرضى

رافعين ضغطك الشريطية يا ابو مطر

للعلم ترى الشريطي عندنا شخص ناجح بس لو يتعلم فن التسويق

بمعنى انه يحتاج لدورات تسويقية ودورات مندوب مبيعات او باختصار تحطه في عزبة لبنانيين يتعلم منهم

÷÷÷÷÷÷÷÷÷÷÷÷÷÷

ولا يهمك ابو مطر البحث جاري وان شاء الله نحصل المطلوب

الله يوفقك وتلاقي مطلبك

ابومطر مطلوبك صعب وين تلقاه

الله يوفقك

ابو مطر

الله يرزقك البل الطيبه اللي دور عليها

بس وانا اخوك شرطك صعب اذا تبي تحصل بسرعه لابد انك

تشوف لك شريطي يساعدك وتعطيه حق شراطته

بالتوفيق ان شالله وابشر بالي يدور وان كانك رجال قنوع فسير علي

ولا لك الا الرضاء

الله لايهينكم على المرور الطيب
الاخوين مبارك و زاهر لاهنتم
عند الرياجيل الي مثلكم وشرواكم
مافيه شيئ صعب
ممكن يحتاج وقت ماهي مشكله

أخوي أبو مطر

السلام عليكم ورحمة الله وبركاته

الرجل الشريطي موجود وأنت تعرف زين و ما راح يقصر معك ! !

وبالتوفيق

انشهد ان ابو عبدالله جابها صح لاتفوتها يابومطر

جاااااااااااااااابها ابو عبدالله وختم الضمان من عند ابو احمد

دور حولك

بيض الله وجيهكم على المرور
لاكن مافهمت شيئ
لمنك ياابو عبالله وابو احمد وحتى ابو حماد
ماحولي احد غير انتم يالثلاثه

سبحان الله وبحمده , سبحان الله العظيم

ابو مطر اصحى وانتبه لكلام ربعك ودور حولك ترى على ما قالوا ( خير المغازي قريبها )

ابو برّاك