من يدور له رحول طوع يدخل هناء

الله يبارك لك اخوي عبدالله

ويرزقك البيعة الطيبة

الله يبارك لك ياعيدالمنصوري

الرحول نصيبك بسومتك عزالله انها تستاهل اكثر لكن نرخصها للغالين

اللة يربح البايع و الشاري

الله يبارك فيك ياعبدالله
وانت تستاهل كل خير ارسلي رقم جوالك عاجل

تقبل تحيات اخوك

&اللة يربح& البايع&و&الشاري&

الله يبارك للشاري والبايع
الاخ عيد سومتة طيبة وبسعر السوق والهاجري اطلق البيع

الله يبارك للجميع ,


بالتوفيق

نايف التميمي انا اللي بعقب علي كلامك الرجال ماذكر السوم لكن تراة قال رحول طيبة وطايعة للبيع ماقال كومة لحم للبيع وبعدها سم باللي يخارجك يا بعدي
فقط للتوضيح وعتقد اي شخص يسوم اي سلعة لازم يكون عارف ادني واعلي سعر للسلعة ولا تصير مكسر بضايع يا غااااااااااالي
اتمني محد يزعل من كلامي سواء انت اوغيرك من الاخوان ويا عساكم ع القوة جميع .

أخي محمد
أولا : كلامك غير لائق بشخصيتك .

ثانيا : أنت متناقض في ردك حيث قلت في ردك : ( وبعدها سم باللي يخارجك يا بعدي ) ، والرجال سام باللي يخارجه؟؟؟

ثالثا : لاأعلم هل فيه عيب إذا زاد الشخص على شخص آخر بمئة ريال ويستنقص ، لأن هذا الجاري في حراج الابل

ويبدو أنك لم تحضر حراج إبل ؟؟؟؟


أرجو أن يتسع صدرك لمشاركتي

الله يبارك لعيد في اللي شراه ويخلف على عبدالله بابرك منها
وبالنسبة للسوم والكلام اللي دار حوله انا لي تعقيب بسيط عسى صدور الاخوان تتسع له وهو..... صحيح ان كل يسوم باللي يخارجه لكن ياجماعة الخير الله سبحانه يقول( ولا تبخسوا الناس اشيائهم) واعطاء السلعة اقل من نصف ثمنها فيه بخس واضح للشئ وهذا هو اللي نهانا الله عنه وبصراحة وبدون زعل انا ملاحظ ذا الشي في منتدانا وهذا اللي يخلي الواحد يصرف نظر عن البيع بواسطة المنتدى لأنه عارف الاسوام اللي بتنقال ويكفي للدلالة على كلامي أن احد الاخوان عرض بكرة هنا للبيع وسامها احد الشباب بعشرة وبيعت بعدين بميتين الف!!!!!!

مرحبا يا فهد

بالنسبة للمنتدى فكثير من الصفقات وباسعار غالية

تمت عن طريق المنتدى سواء تم البيع عن طريق الصور او المشاهدة على الطبيعة

وسوق مزاين الالكتروني يخض للمعايير الشرعية والعرفية للاسواق العادية

فباب السوق مفتوح ولا احد مجبور على البيع والشراء وكلن يسوم بخراجه
******

ملحوظة : عقبت على المواضيع لانه تم البيع فالنقاش لا يؤثر على الموضوع

بل يخدم القسم للمواضيع المستقبلية.

والله يوفق الجميع لما يحب ويرضى

على البركه يابو احمد الله يجعلها داخله عليك بالبركه

والله يبارك لاخوي عبدالله في قيمتها



ولي تعليق على اخوي فهد

انت تقول :

الله يبارك لعيد في اللي شراه ويخلف على عبدالله بابرك منها
وبالنسبة للسوم والكلام اللي دار حوله انا لي تعقيب بسيط عسى صدور الاخوان تتسع له وهو..... صحيح ان كل يسوم باللي يخارجه لكن ياجماعة الخير الله سبحانه يقول( ولا تبخسوا الناس اشيائهم) واعطاء السلعة اقل من نصف ثمنها فيه بخس واضح للشئ وهذا هو اللي نهانا الله عنه وبصراحة وبدون زعل انا ملاحظ ذا الشي في منتدانا وهذا اللي يخلي الواحد يصرف نظر عن البيع بواسطة المنتدى لأنه عارف الاسوام اللي بتنقال ويكفي للدلالة على كلامي أن احد الاخوان عرض بكرة هنا للبيع وسامها احد الشباب بعشرة وبيعت بعدين بميتين الف!!!!!!

انا ارى ان الاخوان ما بخسو السلعه حقها ولو انهم ماوصلو للقيمه اللي في خاطر رعيها ولكن ما احد منهم سام باقل من سومة اللي قبله

وانا ارى ايضا ان الفضل للمنتدى في توصيل السلع خارج المنتدى للاقيام اللي ذكرت لانه يعرض السلعه لاكبر شريحه وبعض الزبائن ماهو عضو ولكن يشتري بالجوال

وانا عرضت في المنتدى وبعت على ناس اشتروا بناء على العرض اللي في المنتدى وباسعار تخارجني

كل ما اتمناه ان الاخوان اللي يعرضون في المنتدى يوضحون كل ما في السلعه المعروضه وكان الزبون يعرفها من قبل

واللي يسوم ولو بالقليل تراه احسن من اللي مايسوم

سوموا يالربع وبعدين علقو على زملائكم اللي سامو بسوم قليل ولو كان التعليق على السوم القليل من عيد لكان مقبول مقبول وهو لن يفعل ذلك


اخوكم راشد العرق

مبروك للشاري والبايع
والاخ عيد يستاهل

@اللة يربح البايع والشاري@

اخ راشد العرق حياك الله وكلامك مقبول لكن انت تقول نبيكم تسومون انا اقول عيب علي الرجال يسوم وهو ماعندة نية شراء افرض الرجال قال نصيبك وش تبية يسوي يقولة انا كنت امزح .
وثانيا ونا اخوك الرجل اللي يبي يسوم لازم يعطي السلعة حقها وتكون سومتة طيبة بمعني تكون مقبولة
وثالثا ونا اخوك هل تعتقد رحول وعلي الشرط يكون سعرها من 3000 للين 4000 فقط الاخ عيد اختصر الموضوع وسام بــــ8000 والهاجري اطلق البيع .
علي العموم الله يبارك للشاري والبياع وترا ونا اخوك الكلام اللي صار فقط للمصلحة العامة وليس المقصود منة اساءة او تقليل من شأن الاخوان .
وبالنهاية حلو النقاش الهادف والمضوعي بين الاخوان .
وسلامتكم