ثلاجات الغاز المشورة يااخوان

السلام عليكم ورحمة الله وبركاتة


يااخوان اشتريت ثلاجة غاز برازلية لعزبة البل

ماتبرد ان رديتها لوكيلها شفلها عنده وبردت اخر تمام

وان شلتها وشغلتها في العزبة ماتبرد بالمرة !

رغم اني اتبع التعليمات ؟

انصحوني يااخوان وش افضل نوع في ثلاجات الغاز ودي احفظ الادوية فيها !؟

ياليت الى عندة خبرة يعلمني وش افضل نوع فيها


وشكر للجميع

اخوي عساف بالنسبة لحفظ الاوية

هناك طريقة بسيطة للحفظ وتنفع بامر الله

خذلك زير وحطة بظل وربص الادوية بمويته

وبرودة الزير تكفي لحفظ كثير من الادوية

الا اللقحات فهذه لايوصى بحفظها ولو عندك ثلاجة اذا اشتريتها استخدمها

فورا حتى من نقلها من الصيدليه للعزبة تحتاج ثلج للحفظ

&رجها علية وشتر مكينة كهربا وشتر تلاجةكهرباية&&

[align=center][align=center]وعليكم السلام ورحمة الله وبركاته

اخوي عساف انت ما عرفت طريقة تشغيلها لانك ان رديتها للمحل شغلوها ولا جبتها للعزبه ما تبرد

اقصر على اسطوانة الغاز وتبرد وتراها تبطي لين تبرد ربع ساعه او 20 دقيقه

كان عندي وحده قديمه واحترقت العام


رحت للرياض ادور ولا لقيت ليتك تعلمني منين انت شاريها


اخوكـ .... عبدالله الدعجاني[/align][/align]

[ثامر المطيري]

مساكم الله بالخير
اذا كان افريزر فلابد برش الماء الخفيف بوانبه الداخليه وياخذ وقت اما الثلاجه ماعندي خبر فيها



اذكر الله وسبح الله

اشكركم يااخوان على ردودكم

اخوي الدعجاني ثلاجة الغاز محدود بيعها وعلى نطاق ضيق

وهي عند تاجر واحد في الرياض في وسط الرياض هو باخشوين

اخوي عبد الله معلومتك ان ش الله تفيد ابقصر على الغاز وانا اشعلها هوقتي ان النار على التهبت

يزين تبريدها


جزاكم الله خير ياخوان واشكر اخوي راعي فكرة الزير بس انا اخاف يجي مقرود هم يشرب من الزير

وهو فيه دواء وانشب معه !!

تقبلوا تحياتي

اقلب الثلاجه رأس على عقب لمدة 3 ايام
ردها مثل ماكانت 3 ايام
توكل على الله وشغلها
لو مابردت غير مكانها ,ان كانت في غرفه خل قفاها مقابل للطاقه.