الفزعة ياجماعة الخير

الفزعة ياجماعة الخير

عندي ناقة القحة باقي عليها شهرين وتنتج المهم انا لي خمسة أيام ماأطعم البل إلا شعير والظاهر إنها انكتمت وبركة من اربعة ايام لاتأكل ولا تشرب ولا تمشي ولاتقوم ماغير باركة ويطلع من فمها يحة شينة عفنة بالمره ويطلع من فمها ومدمنها دود حي والله ياجماعة ماخليت شي ماسويته فيها لكن مافيها فائدة انواع المشروبات الغازية والكافي والبودرات والإبر وحتى الجاره سقيتها منه اشوي مع الماء والرقية الشرعية وجبت لها ونش وقومتها ومشيتها اشوي ثم طاحت على جنبها ومدة يديها ورجلينه ورفعت راسها يم غاربها وحسبتها تبي تموت لكن الله عتقها والحمدلله جبت عمال و بركناها ورفدنا لها من جنوبها علشان ماتنام على جنبها ثانية ,, ياناس وش السوات انا ودي الحق عليها قبل لا تموت وخصوصا إنها أغلى البل على قلبي احبها تحبني تصدقون لي اربعة ايام ماغير مرافق عندها في البر وتارك اشغالي لاهيب اللي ماتت وارتاحت ولا هيب اللي اعتقت وريحتني انا ماأدري احيانا اقول حوارها ميت واحيانا اقول بطنها معفن من الطعام لكن ماقدرت اخرج اللي في بطنها سويت لها فيري من مدمنها وسقيتها عشر قوارير زيت خروع وخرجت شي بسيط بس معفن مررررره انا اعتقد المشكلة في بطنها لكن ياناس وشلون اطلعه منها من عنده حل يسعفني جزاه الله خير

الموضوع الأصلي: الفزعة ياجماعة الخير || الكاتب: ناصرالموسى || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.um dh[lhum hgodv

ان كانها عاكم يعني ماتدمن جرب الملح الانجليزي

يامرحبابك ياناصر

خذلك ماء زمزم مقاس١٥جالون مقري فيه وداخل الماء ورقة الرقية الشرعية وحط فيه حلبه وحبه سودا وعسل وتمر وعنزروت ومرة وزيت الزيتون وخله ينقع مايقارب ٢٠ساعه وخل الغطا مفتوح ورج الدبه كل خمس ساعت وبعدها صبه في حلقها

والله يشفي ناقتك وإنشاء الله بطيب

واتمنى أني افدتك

وتقبل خالص تحياتي

لاحول ولاقوّة إلاّ بالله العلي العظيم .
كان فيها نصيب ماهيب رايحه ياناصر ..
الناقه مكثرتن من الشعير ومغتبطه ومكتم وانت زدتها قمت تلخبط عليهاا ..
ليه مااستغليت الوقت وجبت لها بيطري على وجه السرعه ..؟
كانها مكتم بالشعير يعطيها مسهل ..
وغريبه يطلع منها دود ..؟
كم لها من يوم طاحت ؟
لاحول ولاقوة إلاّ بالله
الله يقومها سالمه وان ماتت يعوضك بابرك منهاا .
وكان فيها نصيب بتسلم

مرحبا اخوي المشافي هو الله سبحانة والله يقدرنا على المعروف الناقة ماهي بداهله الشعير واكيد انها كلت لين كتمت ويمكن والله اعلم انها شربت ماء وهذا هو إلى هونها وخلاها تبرك والناقة على كلامك من غوالي البل الناقة اجمع لها (حدج) وحطة في دبة بيبسي كبيرة مع ماء واسقها وأن شاء الله راح يسهل الناقة وماعليها شر
ولا شف اذا احد حولك من هل الخبرة يمكن الحوار ميت لاكن اذا عداء اسبوع على هذه الحالة فالحوار مامات لان الله سبحانة يطلعة من المطية بعد مرور 72 ساعة
(والله بفك عوق ناقتك وتقوم بالسلامة)
ووافناء عن اخبارها

جرب العصار الي في الصيدليه البشريه حق الامساك هو مفيد للحيران وان شاءالله يفيد الناقه يجي شكله له انبوب دخله في مدمنها واعصره كله اشتر ثلاثه او اربعه الحوار نحط نص العلبه هذي اكيد ثلاثه وفوق واعصرها
وشربها ملح انجليزي
واسئل البيطري وش سبب الدود يطلع من الفم
والله يشفيها

ناصر وانا اخوك

امنع الماء والمشروبات عن الناقه مدة خمس ايام وبعده عطها ماء في طاسه وحده بس

امنع عنها الشعير والمكعب وخلها بس على الرودس او الذره او البرسيم ولا تنقعه عندها وجبتين باليوم

ثالث شي لا تستعجل جب لها حبوب الدود المركز اللي تعطى للقحه وعطهياها بلقام

وبأذن الواحد الاحد ما يجي ثالث يوم الا وناقتك متحسنه

يا أخي الناقة منغثة وأنت غثيتها زيادة بالأدوية والمشروبات الغازية والنسكافة و10 غراش زيت خروع
وش ذا الكلام ..

لا عاد تعطيها شيء

رح للبيطري .. وقله عطني إبرة الغثة
قيمتها 100 ريال

صناعة أمريكيه .. كرتونها أبيض وفي راسه خط أحمر

أعطها كل يوم 25 مل ولمدة أربعة أيام
وأمنع عنها الماء لا تعطيها أبد لين تقوم من نفسه ولين تدمن
أكرمكم الله

بالنسبة لخروج الدود يا أخوان بسبب أعطاء الناقة السم
مات اللي مات والباقي يخرج هارب من السم اللي شربته الناقة.

يا أخوان اللي يعرف جوال الأخ ناصر يبلغه هالرسالة
ولا يرسلي رقمه على الخاص

وسلامتك

حقنه شرجيه في الصيدليات البشريه
يوجد لصغار والكبار
اطلب حقت الكبار
ووافنا بباقي العلوم ياناصر

ولتنببه اي ناقه او حوار باشم يستبعد الماء
واستخدام المسهلات مثل الحله والإبر الشرجيه
في حالة عدم القدره على المشي
واذا الناقه تمشي فكها وسقها مسافات طويله مابين درهمه ومشي عادي

0504465216

هذا رقم اخوكم ناصر الموسى

...

والله يكتب الله فيه الخير

الله ييسر أمرك يا ناصر

بسم الله الرحمن الرحيم
أولا أعتذر عن طول الإنقطاع لظروف خارجة عن الإرادة
وثانيا أشكر كل من تفاعل معي وأبدا لي رأيه ونصيحته وأخص بالذكر أخانا فهد الأحمد الذي بادر بالاتصال وتوجيهي ببعض النصائح
ثالثا الناقة ماتت لكني بعد ماماتت حبيت افتح بطنها واشوف وش السبب وفعلا طلعت الناقة منكتمه وبطنها مليان شعير معفن وهوا وبالنسبة للحوار سليم ولا فيه أي شي ولو إني عندها اول ماماتت كان يمكن تداركته وطلعته قبل لا يلحق امه والحمدلله على كل حال
وأزيدكم من الشعر بيت اليوم اللي طاحت فيه كان جا عند البل رجلين قبل المغرب وانا ماكنت موجود وداروا في البل ثم اطلعوا وبعدها الناقة طاحت وانا والله مانيب متهم احد لكن اقول يمكن إنها كانت عين وخصوصا إن الناقة نظير وسمين ومنتله وسناد وديدها حلو وملاقي وناقة البدوي اللي إذا شافها مايجنب عنها اقول يمكن ويمكن ماتكون عين والعلم عند الله.

فادية راسك ياناصر
والله يعوضك باطيب منها

معوض خير ياناصر وجعلها فدا راسك

جعلها فدى راسك والله يعوضك بابرك منها