وش رايكم بضراب الخلفه ؟؟

وش رايكم بضراب الخلفه ؟؟

أخواني عندي خلفه لها شهر ونص

وودي اضربها بأخر الموسم يعني بعد ماتكمل الحواره شهرين واكثر ابهد الفحل عليها

وش ايكم ؟؟ هل تكسر بنتها والا ماعليها ؟؟

علما ان الخلفه حالها طيب وحليبها لبنتها ماحلبها الا بالسنه حسنه ..

ولكم تقديري واحترامي ..

الموضوع الأصلي: وش رايكم بضراب الخلفه ؟؟ || الكاتب: مشاري المزيني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

,a vhd;l fqvhf hgogti ??

هههههههههه ترى توي انتبه للموضوع (وش رايكم بضراب الخلفه)

كتبت الاستشاره من كبيوتر الدوام وعجل بالحيل

مرحبا يامشاري ..

انا عندي خلفات وناوي اكسبهـن فالاسابيع المقبلـه ..

اللي بنتها طيبه وألا قعودها مانيب مضربهاا ألاّ أني ساحبً الحواره من تحتها بضيـار ..

واللي بنتها عاديه ولها اكثر من شهريـن بضربهاا وبنتها معهاا ولايضرهاا بشي ,,

وبعض البل لاعشرت واخذت حول الشهر .. طردت ولدها اللي يتبعهاا وهذا يحصل فأبلً معي .

..

وكسبهاا واطلب التوفيق من علام الغيوب

المشاركة الأصلية كتبت بواسطة مشعل الشويش

مرحبا يامشاري ..

انا عندي خلفات وناوي اكسبهـن فالاسابيع المقبلـه ..

اللي بنتها طيبه وألا قعودها مانيب مضربهاا ألاّ أني ساحبً الحواره من تحتها بضيـار ..

واللي بنتها عاديه ولها اكثر من شهريـن بضربهاا وبنتها معهاا ولايضرهاا بشي ,,

وبعض البل لاعشرت واخذت حول الشهر .. طردت ولدها اللي يتبعهاا وهذا يحصل فأبلً معي .

..

وكسبهاا واطلب التوفيق من علام الغيوب

ماقصر أخوي مشعل بيض الله وجهه وإياك
عز الله كلامه وافي وهذا اللي أصلحه في إبلي
تحياتي

طيب يااخوان . هل كل خلفة يضربها الفحل تعشر؟

اهم شي تكون ميسر لا تضربها الا ميسر وطالبها البعير لا تعسرها والله الله بالبرسيم اكرمها لين تيسر وعسى الله يرزقك في حلالك

المشاركة الأصلية كتبت بواسطة سلمان مرزوق

طيب يااخوان . هل كل خلفة يضربها الفحل تعشر؟

بالطبـع لا ياسلمـان ...

لكن الأخ ناقته حالها طيّب ومكرمها وحليبها قليل اكيد ميسر 100% .. والله اعلم .

ودائماً الخلفه اللي حالها طيّب ولها شهور من ولادهاا تيسر وتلقح بإذن الله من اول ضراب .

..

اررحب يامشاري الاخوان ماقصروا
لكن شوري عليك اذا تحتها بكرة طيبة لاتكسبها
الا اذا اعترض لك بعير فاخررر ومسمي والحوار عمره من ثلاث شهور وفوق فتبارك بالله وكسبها
اخيرا الله يدلك على اللي فيه خيررررر

ياخوي مشاري انا اولت العام كسبت خمس والعام ثنتين وذا العام مالي نيه طلع الانتاج اقل من المعتاد حتى الي كان يشري مني القعدان اخذ اثنين وابطن عنده ما راحن ديره
والله اعلم

مرحبا اخوي
نعم تكسر الحواره
حتى ولو ما غرزت امها
مثل ماقالو الاخوان
ان كان الحواره طيبه لاتكسبها

اذا كانت حيرانك طيبة وتأمل منه خير لا تضرب أمهاتها الا اذا كبرن ..
اما عكس ذلك .. أضربها البعير واللي عقد روس الحبال يحلها

وين اخوي مشاري


انا كان معها قعود
فخل الفحل يضربها اليوم قبل بكره

ون كان معها بكره

لا خلها اول الموسم القادم


هذ وجهة نظري القاصره

وين الي يعطينا العلم

أضربها البعير واللي عقد روس الحبال يحلها

قالها طلال
وخذها مني تخصص كسبها لا طلبت الفحل والله ضربت على ثلاثه وعشرين يوم وربك رزقها وعشرت
لكن لا تعدت الاربعين وحالها طيب توكل على الله
ولاتكسر بنتها علف واكرمها خصوصا البرسيم

عطونا تجاربكم نستفيد