اللي عنده سوال عن زيان الابل ما عدا المجاهيم

الأخ عبدالله شرايك بالفحل وشنو عيوبه

الله يجزاك خير على هالموضوع الطيب
بس انا الاحظ في ردودك انك تذكر العيوب فقط ولا تذكر المحاسن في الناقة
وعطنا رايك في الناقة

تحيه

الاخ جاسم

البعير عادي ولا فيه شي من مواصفات الزين

وجهه عادي رقبته قصيره غاربه قصير سنامه متقدم
جرمه صغير

ونسأل الله ان يوفقنا واياك

المزحمي

تحيه

الاخ عبدالعزيز

نسال الله ان يبارك لنا ولك ولجميع المسلمين

بالنسبه للناقه وسط وفيها عذارييب وفيها
مييزات

مميزات الناقه
مثل الناقه متسنده وظهرها طيب

من عذاريبها

راسها صغير واذنها واقفه
جرمها صغير وجنبها ماهوب طويل

وسلامتك طال عمرك

السلام الابل ممتازة جد وشكرا

ابي الناقة كم تسوى

تحيه

الاخ عبدالعزيز

بالنسبه لسعر الناقه

يتوقف على اشياء كثيره منها

اذا كانت لقحه على بعير طيب لها سعر
واذا كان حدرها بكره طيبه لها سعر
واذا كانت حايل لها سعر

لذلك صعب انك تقيم سعر ناقه الا بعد
ما تعرف حالها

[منذر الدوسري]

السلام عليكم
حبيت اسألك عن الناقه تحتها بكره
وش هي مواصفات الزين والشين فيها

ولك جزيل الشكر
[img] [/img]


[img] [/img]

تحيه

الاخ منذر

نسال الله البركه لنا ولكم

الناقه منيحه اما عن مواصفات الناقه
المزيونه لاتوجد فيها

واذا بغيت تعرف مواصفات الزين بامكانك
تصفح الموقع وقراءة المواضيع اللي كتبوها
الاخوان الاعضاء

ولك الشكر

السلام عليكم
أخي العزيز عبدالله
بغيت رايك في هالقعود

وش مميزاته وعيوبه بالتفصيل

السن مفرود

تحيه

الاخ العزيز خالد

نسأل الله ان يبارك لنا ولكم ولجميع المسلمين

بالنسبه للقعود طال عمرك -قعود بدوي

راسه وسط ورقبته قصيره وفيها عنجه
ومطلعها من عند منحره
وتشره على غاربه وجنبه قصير وعرقوبه اركز
ولونه ماهو الوضاح المطلوب

اذا كانت ابلك مزايين لا تفحله وشف لك قعود غيره

ومثل ما قلتلك القعود وسط

اخوك
المزحمي

سلام عليكم يعطيك العافيه


بغيت رايك في ها لقعود الله لايهيني

من مميزات وعيوب ومشكور علي الطر ح الراقي والمميز


والله يقويك ويجزاك خير

وليتني اعرف صاحبه والي يعرفه يراسلني

الله يجزاه خير

وانا لقيته في منتدي مكشات


s1402-@hotmail.com

تحيه

الاخ عبداله

ما دام طال عمرك القعود ماهو ملكك ولا تعرف راعيه

وش له تسأل عنه

اذا حصلت راعيه وبغى يبيعك ارسل لي على الخاص واعلمك


المزحمي

ابومطلق الله لايهينك ويعطيك الصحه والعافيه ..

بس بغيت أسألك هل لك نظر في العمانيات الأصايل ..

لان عندي حلال ودي أشوف رايك به ..