اللي عنده سوال عن زيان الابل ما عدا المجاهيم

رد: اللي عنده سوال عن زيان الابل ما عدا المجاهيم

بارك الله فيك وجزاك الله الف خير

رد: اللي عنده سوال عن زيان الابل ما عدا المجاهيم

الاخ نواف الدوسري

وعليكم السلام ورحمة الله وبركاته


نسأل الله ان يبارك لنا ولكم ولجميع المسلمين

بالنسبه للناقه مبروكه فيها الوضاح الزين والناقه متسنده وعرقوبها طيب وظهرها زين

مشكلتها الراس عادي والناقه قصيره


المزحمي

رد: اللي عنده سوال عن زيان الابل ما عدا المجاهيم

الله لآيهينك الله يعطيكـــــــ العافيه

رد: اللي عنده سوال عن زيان الابل ما عدا المجاهيم

الاخ سعد الله يعافيك

رد: اللي عنده سوال عن زيان الابل ما عدا المجاهيم

اخوي عبدالله انا عطيتك رابط هالحواره وحبيت انك تقيمها

ورديت انت تقول انها مافتح المقطع معك


اخوي عدلت الرابط انا بس الله لا يهينك اذا فتحت الرابط انتظر شوي لما يحمل معك ثم شغل المقطع

وانتظر تقيمك اخوي للحواره

http://www.mzayan.com/vb/showthread.php?t=28484

رد: اللي عنده سوال عن زيان الابل ما عدا المجاهيم

الاخ محمد الدغيلبي

ما فيه فايده انتظرت ولا فتح المقطع

مدري البلا مني ولا منك

رد: اللي عنده سوال عن زيان الابل ما عدا المجاهيم

السلام عليكم أخوي عبدالله
بسألك عن عشارالبكره الحقه واللقية هل يوثر عليها من ناحية الطول والقصر بشي ؟
شاكرين لك مجهودك اللذي له بالبنان .

رد: اللي عنده سوال عن زيان الابل ما عدا المجاهيم

وعليكم السلام ورحمة الله وبركاته

الاخ مانع

افضل عمر للبكره انك تضربها جذعه

اما ضراب اللقيه يكسر عظمها وفي الغالب انها تجي قصيره

اما الحقه حاشي كيف تضربها

رد: اللي عنده سوال عن زيان الابل ما عدا المجاهيم

السلام عليكم
اخي المزحمي
حيالك الله
اتمني منك الرد ورايك في صورة الفحل وانتاجه عطني رايك وميزاته الزينه والشينه لا تخلى شي
ابد
سلمت
وهو في هالرابط شفه ورد عليه

http://mzayan.com/vb/showthread.php?t=30748

شاكر ومقدر تعاونك

رد: اللي عنده سوال عن زيان الابل ما عدا المجاهيم

وعليكم السلام ورحمة الله وبركاته

الاخ سلطان ابوثنين

نسأل الله ان يبارك لنا ولكم

بالنسبه لاتنتاج البعير وسط ولا هوب شين

كان ابلك طيبه انا رايي لا تهده شف لك بعير غيره

وان كان تقول ما اقدر اشتري البعير الطيب والمنتج انتاج قوي

شف بعير انتاجه قوي وضرب ابلك عنده

واهل الفحول المنتجه واللي بيون العلم الغانم واجد


المزحمي

رد: اللي عنده سوال عن زيان الابل ما عدا المجاهيم

اخوي عبدالله ابي رايك في البكره الحقه لونها برديه بس الصورة توها متمرغة

رد: اللي عنده سوال عن زيان الابل ما عدا المجاهيم

ابومطلق مساك الله بالخير
لقد عرضة عليك علوم قعودي قبل مدة لكن بدون صورة وهذي صورتة
الاصل من ناحية الاب :ولد جمل الامير سلطان بن عبد العزيز الي شراة من ابن صاهود
الاصل من ناحية الام:ناقة شعلا شاركت بمزاين ام رقيبة والعام القادم مشاركة انشأالله بفئة30
خوات القعود اسوامهن450 الف 420 الف200 الف 50 الف

رد: اللي عنده سوال عن زيان الابل ما عدا المجاهيم

يالربع أستفسر عن بعير ابن شويه الأوضح ( عليان ) اللي اساسه من الفحل عليان المشهور بعير بن ثنيان العتيبي , شراه ابن شويه وماطول عنده مات , نبغا صورته سمعت أنه من نوادر الفحول وأن عيون المقاريد ماأمهلت له .

البعير اشتراه ابن شويه من رويان الميموني .

رد: اللي عنده سوال عن زيان الابل ما عدا المجاهيم

الاخ شاهر

السلام عليكم ورحمة الله وبركاته

نسال الله ان يبارك لنا ولكم


البكره اشوفها متسنده ولونها زين

وباقيها عادي


المزحمي

رد: اللي عنده سوال عن زيان الابل ما عدا المجاهيم

الاخ سليمان

السلام عليكم ورحمة الله وبركاته

الصوره غير واضحه وصغيرة الحجم اذا تقدر ترسلها مره ثانيه افضل

والامر الثاني اذا كنت راعي وضح وتبغى زين ولون

لاتفحل قعود امه شعلا ولا صفرا عشان انتاجه ممكن يجي على لون امه