اللي عنده سوال عن زيان الابل ما عدا المجاهيم

رد: اللي عنده سوال عن زيان الابل ما عدا المجاهيم

الاخ محمد الميزاني

ما عندي علم عن البعير اللي تسأل عنه

رد: اللي عنده سوال عن زيان الابل ما عدا المجاهيم

رد: اللي عنده سوال عن زيان الابل ما عدا المجاهيم

الاخ سليمان

السلام عليكم ورحمة الله وبركاته

الصوره صغيره وغير واضحه الرجاء تكبيرها
وابشر بكل خير

رد: اللي عنده سوال عن زيان الابل ما عدا المجاهيم

وش رايك بالقعود سنه لقي

رد: اللي عنده سوال عن زيان الابل ما عدا المجاهيم

الاخ عبيد

نسأل الله ان يبارك لنا ولكم لجميع المسلمين

القعود طال عمرك ما شفت فيه شي يجذب

ورايي شف لك قعود احسن منه

مع ان صورته غير واضحه وصغيره

رد: اللي عنده سوال عن زيان الابل ما عدا المجاهيم

السلام عليكم

الله يعطيك العافية

هل يتعدل سنام المفرود لي كبر لو كان بالنص يتعدل ولالا

وشنو اكثر عيب في الابل المزاين

رد: اللي عنده سوال عن زيان الابل ما عدا المجاهيم

وعليكم السلام ورحمة الله وبركاته

الاخ فلاح

موقع السنام ومطلع الرقبه والعرقوب

لا يتغير من مفرود لين يجي هرش


والعيوب في الابل المزايين كثيره ومتعدده

واكبر عيب وجه الناقه

يعني لو ان الناقه كل مافيها طيب من ظهر وعرقوب وغارب ورقبه وجرم
ولكن وجهها ازقم ما تنفع

رد: اللي عنده سوال عن زيان الابل ما عدا المجاهيم

بسم الله الرحمن الرحيم
السلام عليكم ورحمه الله
اخوي الكريم عبدالله عندي استفسارمادام انك راعي معرفه الله لايهينك
عندي بكره مفروده وضحا دعجا امها عفرا برده وابوها اشقح
البكره حلقتها المره الاولى وصار لون البكره زين وبياضها زين فيها شعره سودا بسيطه جدا في غاربها مثل الخط وعلى خشمها سواد وفي ذيلها
ونبتلها وبره بيضا وزينه
وقمت وحلقتها مره ثانيه بعد فتره ست اشهر من الحلاقه الاولى
المشكله يا عبدالله المره هاذي صار في الوبره سواد واجد في راسها ورقبتها وجنوبها وتغير لونها بالحيل بالحيل
هل المشكله من الحلاقه او من لون البكره الاساسي وهل يروح لي كبرت البكره وهل يؤثر في زينها في المزاين
السوال الثاني لاهنت عندي مفروده عفرا اذنها لاهي خرعا ولاهي ركزا متوسطه وطويله شوي هل يتغير شكلها اذا كبرت وكبر راسها وهل تؤثر في زينها مع العلم ان مواصفاتها الثانيه طيبه جدا نامل التكرم منك بالاجابه ولك جزيل الشكر والامتنان

رد: اللي عنده سوال عن زيان الابل ما عدا المجاهيم

وعليكم السلام ورحمة الله وبركاته

الاخ ثامر

بالنسبه لسؤلك الاول والعلم عند الله البكره تبا تغدي شقحا

وسؤالك الثاني ان اذن البكره اذا كبرت تغير يعني ما تصير ضغيره
ولكن اذا كبر راس الناقه ماعاد يبين كبر اذنها

اما بالنسبه لسؤالك الاخير هل اذن الناقه يأثر على زينها .
أقول ان اذن الناقه المطلوب هي الاذن الخرعا الصغيره

واذا كانت الناقه مزيونه وكل مافيها زين ما يأثر عليها كبر اذنها
لان الاذن من مكملات الزين ولاهو مثل المواصفات الاساسيه المطلوبه
في مزايينات الابل

رد: اللي عنده سوال عن زيان الابل ما عدا المجاهيم

http://www.mzayan.com/vb/showthread.php?t=36318

رابكم يهمنا

رد: اللي عنده سوال عن زيان الابل ما عدا المجاهيم

الاخ نايف

ردي تلقاه في الموضوع اللي انت منزله

رد: اللي عنده سوال عن زيان الابل ما عدا المجاهيم

عبدالله الله يوفقك ويكتب اجرك
عندي بعيرسنه ثني ورايك يهمني فيه
وهاذي صورته

رد: اللي عنده سوال عن زيان الابل ما عدا المجاهيم

الاخ ابراهيم

السلام عليكم ورحمة الله وبركاته

البعيراليا جا عمره ثني الغالب انه منتج لذلك

لا عاد تسأل عن شكل بعير منتج اهم شي انتاجه
والشكل ما يهم

اما اذا ما انتج تشوف ساس القعود-ابوه امه -خواته
وتفحل القعود اذا جاز لك ساسه


اما شكل قعودك الله يبارك لنا ولكم -عليه ملاحظات

مثل لون القعود وجرمه صغير وارسه ورقبته

هاذي الملاحظات الواضحه

ورايي اذا انتاجه ما جا طيب بعه وشف لك قعود غيره

رد: اللي عنده سوال عن زيان الابل ما عدا المجاهيم

ويش رايكم في البكرة

رد: اللي عنده سوال عن زيان الابل ما عدا المجاهيم

الاخ فيصل

السلام عليكم ورحمة الله وبركاته

صورة البكره غير واضحه

ولكن ظهرها زين واظن تبا تجي رقاقه
ومتسنده ورقبتها ماهي شينه

ولكن وجهها ماهوب مبين