البعير شكل والا اصل (؟؟؟؟؟؟؟؟؟؟؟)

مرحبا اخوي عبدالله
البعير شكل واصل اذا اجتمعت فانعم واكرم
واذا لم تجتمع فالبدو يفضلون الاصل على الشكل
والاصل المقصود به على حد علمي هو اصل الام فاذا امه اصلها طيب وابوه ماهو ردي هدوه ولو شكله وسط
ولازم يجي من شكله شي من انتاجه

والزين اللي هاد روحه هذا يفحلونه لانه زينه جبرهم يفحلونه ولو امه دون

واللي يجمعها هذا غاية المطلوب

وقعودك اذا امه وسط ولا تدري عن اصلها وانت تكلمت على شكلها وتقول انه اقرم فتوقع انك تشوف القرم واجد في انتاجه

وهذا علم غيب ما يعلمه الا الله

واللي انصحك به انك تسال راعي القعود اذا تثق فيه عن ام القعود هل هو بيهد من عيالها فحل في ابله ولا لا

لان ماكل ابل الرجال ينهد من عيالها

واهم من هذا كله توفيق الله والبركه