الصبر على القعدان لحد الانتاج

رد: الصبر على القعدان لحد الانتاج

مسااكم الله بالخير يا بدر النفيعي ممكن تقلي وش سبب البعير والناقة الي نزلت قيمتها لان البعير الي خاابره يضرب انا ولا يتاثر من ولده شي لاني لي في الذوود انا سنه ونص وقصتك غررريبة هاذي

رد: الصبر على القعدان لحد الانتاج

مسيك بالخير يافلاح

موضوعك 100 ميه مهوب 100% ههههاااي

اسعد الله مساكم جميع


ان ترى راعي سوالف وانتم عطيتوني فرصه تحملوا...............


فيه واحد من الجماعه القريبين شرى بعير واصله البعير معروف ماراح اقول ساسه من ابل امير معروف بالفحول الطيبه....


الزبده شراه وكان شكله فااااااااخر جداً الكلام هذا قبل 6 سنوات شراه بـ200الف وهو لقي وجته مكاسب وعيا لايبيع ولا ينلام القعود ملفت للنظر

المهم هده وانتج حراسيس نخبه يعني تاخذ نخبة الشين ماعدا بعض الحيران اليي تجي صفر تجي حليوه المهم نصحوه قالوا بعه عيا

هده 3 سنوات رجعت ابل كلها دمار كل سنه يبيع المقهور كله قصب واخرتها باع الابل كلها ...


السالفه الثانيه واحد اعرفه تمام المعرفه شرى قعود وله اصل طيب وشكله طيب بس عليه كثير من الملاحظات المهم هد البعير وانتج اول سنه حيران حلوه بداوه واقل والسنه

الثانيه نفس الشئ المهم تخبرون الناس كل من جاه اللي يقول اصبر واللي يقول اقلعه واكثرهم يقول اقلعه بس الرجال عيا يطيع نصايحهم ليش؟

لانه واثق من اصل البعير وشايف امه وابوه وخواته واخوانه

الزبده انتاج البعير كذا= حوار حليو = مفرود تحبه = حق تكره وتحبه يتغير = لقي تحالاه يجذب = جذع رقم واحد


هذي سالفتين على الطاير

بالتوفيق

صدق الفحول المنتجة تفرق في طلوع انتاجها بعضها طراح وبعضها لاصار حق ولا لقي وهذا اللي ضيع الناس

رد: الصبر على القعدان لحد الانتاج

فيه رجال عنده ابل مجاهيم توه بادي يجمع فيها الكلام قبل 20 سنه تقريبا شاف عند مولف معروف مجموعة حشو مفاريد وحقايق (قصب) وياخذ منها مفرود بـ 2000ريال ويفحله في ابله وينتج بناته باع منها على 70 و40 وهو باعه بـ 100 الف ريال والآن اغلب الابل عليه والفحل من عياله

السالفه حظوظ ونظر

رد: الصبر على القعدان لحد الانتاج

موضوع مميز ويعطيك العافية

فية واحد عندة جمل شكلة دون الوسط ولونة أزرق وهدة في ابلة وصاحوا علية الناس وباعه على القصاب , يوم ولدت الأبل عليه جاب بكار اخذن المركز الأول في احد المزاينات غير مزاين ام رقيبة .

رد: الصبر على القعدان لحد الانتاج

خلاصة الكلام الساااااااااس الساااااااااااس .. ثمن انت ونصيبك.وتوفيق الله

يعطيك العافيه اخوي على الموضوع الرائع

رد: الصبر على القعدان لحد الانتاج

السلام عليكم
أهم شي التوفيق من الله سبحانه

رد: الصبر على القعدان لحد الانتاج

الاخ فلاح

انا باقول لك الي عندي باختصار جدا

الي اعرفه ان اكثر شي يجيبه البعير شكله او شكل اخته الي تشبهه والبعير الي كان زين يوم هو صغير وشان يوم كبر انتاجه مثله يولد زين ويشين إذا كبر وبعض القعدان يولد شين وكل ما كبر زان هذا انتاجه مثله اتكلم عن واقع وتجريب . ونادر من الفحول ينتج احسن من شكله يقولون الشيبان ( اضرب بالفحل وتحل ) يعني اضرب بالفحل وتشوف شكله في مراحك .
والسلام عليكم ورحمته وبركاته