لاهل العرف تكفون نبي مشورتكم ورايكم

السلام عليكم
يالربع انا عندي رحول شان حالها وراحت عظم وجلد وتاكل طبيعي وشهيتها مفتوحه واذا جت تبرك بركت على جنب وطول الوقت نايمه على جنبها وبعرها كرمكم الله مدور وله راس قالو فيها شوكه وكويتها المشط على مخافق بطنها وعطيتها حبوب الدود ولاكو فايده ويالربع الراعي يركبها ويرد عليها البل وظعها طبيعي بس ان حالها شاينه بالحيل مابقى غير عظمها وجلدها مع انها تاكل طبيعي وانا مكرمها بالطعام والحين صارلها على الحال فوق الشهرين اول ماجاها صارت عينها اليمنى بيضه بالمره وعطيتها ابره الهيام الفرنسيه وعطيتها افوميك الانجليزي وبعدين ومع الادويه رجعت عينها زينه بس ماقامت تشوف فيها زين الا القريب حيل وانسل حالها وضعفت بالحيل واليوم عطيتها ابرة الهيام الهنديه وعطيتها دوا مضاد حيوي مدري شسمه وبعد يومين ابعطيها سوبر افوميك ان شاء الله اللي عنده خبره يالربع لايبخل علينا واللي يعرف المرض هذا يعلمنا فيه الله يمنعه عن حلال المسلمين وجزاكم الله خير

السلام عليكم ناقتك مابلاها الا الراعي يصلف عليها ومسرف فيها وشيك علا غاربها شف فيه جرح من الشداد راقب الراعي بدون مايدري وبتعرف كلامي وبعدين الي فيها شوكه ولا فضخ اكلها يقل وبخصوص عيونها عطها ملتي فيتامين والله يشفيها

هل الناقة تدخل وحده من رجيلينها وهي باركه ؟؟

هل الناقة تدخل وحده من رجيلينها وهي باركه ؟؟

نعم الناقه لبركت تبرك على جنب ووحده من رجليها داخل

يالربع ياهل البل ماحد عرف العله وشنهي

يا عزيزي هذا جرح والدليل دمنها وقم بالتالي :

1- انت كويت على الخفق بمشط وهذا اول العلاج ويقاله جرح متخر .

2- اكو جرح مقدم وذلك بكويهها بمطرقين بالطول I I على جنبها الايمن قبل العضد ومن فوق المطرقين مطرق بالعرض ___
يعني بسير على شكل حرف ال مقلوب ____
I I
3- اكوهها على نفس الجنب على الضلع الكبير اخر ضلع من صوب الكلوه بمطرق بالطول .

4- غرها بثلاث غراش زيت سمسم لمدة ثلاث ايام كل يوم ثلاث غراش .
5- راجع الطبيب اذا لها علاج او ابر .

اذا ما عالجتها وتركتها على الوضع ذا ترا موتها قريب والاعمار بيد الله لان الحاله قد صارت معي والله يشفي ناقتك .

والسلام ختام

يا جماعه الخير راعيه الجرح يقل اكلها والرجال يقول ناقته اكلها زين الله يزين حالكم

يا عزيزي هذا جرح والدليل دمنها وقم بالتالي :

1- انت كويت على الخفق بمشط وهذا اول العلاج ويقاله جرح متخر .

2- اكو جرح مقدم وذلك بكويهها بمطرقين بالطول I I على جنبها الايمن قبل العضد ومن فوق المطرقين مطرق بالعرض ___
يعني بسير على شكل حرف ال مقلوب ____
I I
3- اكوهها على نفس الجنب على الضلع الكبير اخر ضلع من صوب الكلوه بمطرق بالطول .

4- غرها بثلاث غراش زيت سمسم لمدة ثلاث ايام كل يوم ثلاث غراش .
5- راجع الطبيب اذا لها علاج او ابر .

اذا ما عالجتها وتركتها على الوضع ذا ترا موتها قريب والاعمار بيد الله لان الحاله قد صارت معي والله يشفي ناقتك .

والسلام ختام

الله يجزاك خير ويجعله في ميزان حسناتك انت والاخوان

يا جماعه الخير راعيه الجرح يقل اكلها والرجال يقول ناقته اكلها زين الله يزين حالكم

يامحمد الناقه اليوم قل اكلها ومعاد هي مثلها امس اليوم ماقامت تاكل مثل قبل واليوم بعرها كرمكم الله تغير صار كانه طلقة الرشاش
مدري هذا عشان عطيتها امس ابرة الهيان الهنديه وعطيتها مضاد حيوي مدري شمهوعطيتها ملين البرافين والا ماله شغل واليوم جبتلها بودر اصفر يقول الدكتور حق التهاب الكلى وغريته منه اليوم والله كريم

اللي في ناقتك هي الشوكة وهذي اعراضها الدمن عزكم الله يكون مدبب مثل ما قلت واذا بركة تدخل وحده من رجلينها وحصلت في ناقة من خيرت ابلنا وخذا معها المرض قرايب شهرين وماتت ولا تتعب نفسك بالعلاجات لانه ما منها فايده والشفاء بيد الله

تقبل تحياتي

اللي في ناقتك هي الشوكة وهذي اعراضها الدمن عزكم الله يكون مدبب مثل ما قلت واذا بركة تدخل وحده من رجلينها وحصلت في ناقة من خيرت ابلنا وخذا معها المرض قرايب شهرين وماتت ولا تتعب نفسك بالعلاجات لانه ما منها فايده والشفاء بيد الله

تقبل تحياتي

الله يعوض علينا بخير منها سوينا اللي علينا وتخسرنا عليها بالعلاجات والله كريم يبي يرزقنا الله عسى الله لايخسر مسلم امين

اخوي مبارك
دور على واحد يكوي الناقه على بطنها دائره على سرها ومطرق قبل الضرع وريحها بعد ذلك
ولاعاد تعيد جرعات الهيام او ابر الجرب
بعد الكي تعطى زيوت نباتيه بقدر فنجان يومي مع الشوار او غيره سوا سمسم او زيت عافيه المتوفر واعارض الكميات الزائده

صحيح كلام ذيب اللي فيها والله اعلم جرح

اخوي مبارك
دور على واحد يكوي الناقه على بطنها دائره على سرها ومطرق قبل الضرع وريحها بعد ذلك
ولاعاد تعيد جرعات الهيام او ابر الجرب
بعد الكي تعطى زيوت نباتيه بقدر فنجان يومي مع الشوار او غيره سوا سمسم او زيت عافيه المتوفر واعارض الكميات الزائده

الله يجزاك خير على هالمعلومات

صحيح كلام ذيب اللي فيها والله اعلم جرح

هذا هو كلامه صحيح ولايهونون الربع

السلام عليكم ياعيد الكوي الي عطيته هذا كوي فضخ والناقه ماطاحت ومشيها سليم ونا قتك يا مبارك انا متاكد بعد الله ميه بالميه هذا جرح والدليل الدمن مثل المسامير والحاله مرت علي اكوهها واخر العلاج الكي ولا تعطيهاابر جرب وهيام

اتمنا اني افدتك والله يشفي ناقتك والسلام ختام

السلام عليكم ياعيد الكوي الي عطيته هذا كوي فضخ والناقه ماطاحت ومشيها سليم ونا قتك يا مبارك انا متاكد بعد الله ميه بالميه هذا جرح والدليل الدمن مثل المسامير والحاله مرت علي اكوهها واخر العلاج الكي ولا تعطيهاابر جرب وهيام

اتمنا اني افدتك والله يشفي ناقتك والسلام ختام

الله يجزاك خير ياذيب انت والربع والناقه انا كاويها قبل اسبوعين تقريبا على مخافق البطن على الكلى مشط يمين ومشط يسار وبعد ماعطيتها الادويه هذي والله ياخوك كانها تحسنت اشوفها باركه طبيعي اليوم وليا دكت من مبركها احسن من امس واليوم عطيتها ابرة سوبر افوميك مع مضاد حيوي مع بودرة لونها اصفر حق التهاب الكلى وان شاء بقولكم النتايج بس ادعولنا عسالله يشفيها