لاهل العرف تكفون نبي مشورتكم ورايكم

الله يشفيها وعلمنا بالنتايج وترا زيت السمسم اثبت جدارته اسال مجرب والله يكفي حلال المسلمين البلا

الله يشفيها وعلمنا بالنتايج وترا زيت السمسم اثبت جدارته اسال مجرب والله يكفي حلال المسلمين البلا

اشلون اعطيها زيت السمسم وشكثر الكميه وكم يوم ياذيب الاخ عيد المنصوري جزاه الله خير يقول فنجال حطه معا لشوار

انا عطيتها ثلاث غراش زيت سمسم حجم الغرشه صغير يعني 500 ملل الغرشه كبر الكف لمدة ثلاث ايام وامسك لسانها قبل ما تغرها وتشافت الناقه وبدون كوي والله يشفي ناقتك يا ولد عطاااااااااااااااااا وتقبل مروري ,,,,,,,,,,,,

انا عطيتها ثلاث غراش زيت سمسم حجم الغرشه صغير يعني 500 ملل الغرشه كبر الكف لمدة ثلاث ايام وامسك لسانها قبل ما تغرها وتشافت الناقه وبدون كوي والله يشفي ناقتك يا ولد عطاااااااااااااااااا وتقبل مروري ,,,,,,,,,,,,

بيض الله وجهك يالذيب يابن علي

السلام عليكم ورحمة الله وبركاته

السلام عليكم
يالربع انا عندي رحول شان حالها وراحت عظم وجلد وتاكل طبيعي وشهيتها مفتوحه واذا جت تبرك بركت على جنب وطول الوقت نايمه على جنبها وبعرها كرمكم الله مدور وله راس قالو فيها شوكه وكويتها المشط على مخافق بطنها وعطيتها حبوب الدود ولاكو فايده ويالربع الراعي يركبها ويرد عليها البل وظعها طبيعي بس ان حالها شاينه بالحيل مابقى غير عظمها وجلدها مع انها تاكل طبيعي وانا مكرمها بالطعام والحين صارلها على الحال فوق الشهرين اول ماجاها صارت عينها اليمنى بيضه بالمره وعطيتها ابره الهيام الفرنسيه وعطيتها افوميك الانجليزي وبعدين ومع الادويه رجعت عينها زينه بس ماقامت تشوف فيها زين الا القريب حيل وانسل حالها وضعفت بالحيل واليوم عطيتها ابرة الهيام الهنديه وعطيتها دوا مضاد حيوي مدري شسمه وبعد يومين ابعطيها سوبر افوميك ان شاء الله اللي عنده خبره يالربع لايبخل علينا واللي يعرف المرض هذا يعلمنا فيه الله يمنعه عن حلال المسلمين وجزاكم الله خير

اخوى حصلت معى عطه داب اذبحه وقطعه ومسك السانه وانطله فى فمه

اللي في ناقتك هي الشوكة وهذي اعراضها الدمن عزكم الله يكون مدبب مثل ما قلت واذا بركة تدخل وحده من رجلينها وحصلت في ناقة من خيرت ابلنا وخذا معها المرض قرايب شهرين وماتت ولا تتعب نفسك بالعلاجات لانه ما منها فايده والشفاء بيد الله

تقبل تحياتي

مثل العصيمي

ابشركم ان الناقه والحمدلله بدت تاكل وتبرك طبيعي ولاعاد تبرك على جنب ولاعاد ادخل رجلها لبركت وبعرها اعزكم الله رد طبيعي وبس ان طابت بالمره راح انزل موضوع عن علاج الشوكه والعلاجات مجربه راح اذكرهن والله يجزاكم خير

ولد عطاااااااااااااااااااااااااااااااا علمنا بعلوم العلاجات وش سويت الله لا يهينك

ولد عطاااااااااااااااااااااااااااااااا علمنا بعلوم العلاجات وش سويت الله لا يهينك

ابشرك ياذيب اليوم اخر جرعه من الادويه والناقه زانت صحتها قامت تاكل اكل مو طبيعي تقول لها سنه ماكلت وبعرها كرمكم الله صار طبيعي بس ابنطر اسبوع واعطيكم العلم الاكيد

مباااااااااارك عطيتها زيت سمسم ولا لا ؟؟ وعلومها اذا عطيتها ؟؟؟

مباااااااااارك عطيتها زيت سمسم ولا لا ؟؟ وعلومها اذا عطيتها ؟؟؟

هلا وغلا ياذيب لاوالله ياخوك ماعطيتها زيت السمسم للحين ابشوف عنها يومين كانها تحتاج ابعطيها وابشر بالعلم اللي يسرك

اشهدن مابه اطباء

والحمدلله على سلامت ناقتك والله يفكها من كل مكروه

تقبل مروري يا ابن عطااااا

اخوك عبدالعزيز العصيمي

اخوي مبارك طمنا عن ناقتك وفدنا بلعلاج الي سويته لان عندي ناقه
نفس الحاله لها ثلاث شهور ماخليت علاج لشوكه ماسويته ولافاد عطيتها زيوت
ولا فاد جبت الدكتور وكذالك فا يا ليت تذكر بتفصل وش سويت لاهنت

اشهدن مابه اطباء

والحمدلله على سلامت ناقتك والله يفكها من كل مكروه

تقبل مروري يا ابن عطااااا

اخوك عبدالعزيز العصيمي

الله يجزاك خير

اخوي مبارك طمنا عن ناقتك وفدنا بلعلاج الي سويته لان عندي ناقه
نفس الحاله لها ثلاث شهور ماخليت علاج لشوكه ماسويته ولافاد عطيتها زيوت
ولا فاد جبت الدكتور وكذالك فا يا ليت تذكر بتفصل وش سويت لاهنت

ابشر ياعوض اطلب عزك ماطلبت شي وانا اخوك اكتب

1- مضاد حيوي لالتهابات البكتيريه Hexasol LA ابره 20 سيسي لمدة خمس ايام بالرقبه
2- شراب ملين برافين عطها نص لتر اليوم ونص لتر بكره
3- ابرة الهيام الهنديه كرتونها احمر بين اللحم والجلد على حد الرقبه مع الكتف
4- ابرة سوبر افوميك 20 سيسي تحت الجلد بين الجلد واللحم بس تعطيها بعد ابرة الهيام بيومين ثم تعيد نفس الجرعه بعد 14 يوم
5- بودر اصفر لاتهاب الكلى اول يوم تعطي 120 جرام من البودر مع نصف لتر ماء وذوب جيدا وتغر الناقه فيه وثاني وثالث ورابع يوم تعطى 90 جرام من البودر مع نص لتر ماء وتذاب جيدا وتغر الناقه فيه
6- تعطى مالتي فيتامين لمدة ثلاث ايام اول يوم 20 سيسي وثاني وثالث يوم 15 سيسي بالرقبه بالعضل

ملاحظه :-
*اول يوم تعطى ابرة المضاد الحيوي مع ابرة الهيام مع نصف لتر من شراب البرافين
* اليوم الثاني تعطي ابرة المضاد الحيوي مع نصف لتر شراب البرافين
* اليوم الثالث ابرة مضاد حيوي مع نصف الماء المخلوط بالبودر الاصفر 120 جرام مع ابرة السوبر افوميك الامريكيه الجرعه الاولى
*اليوم الرابع ابرة المضاد الحيوي مع نصف لتر ماء مخلوط مع البورد الاصفر90 جرام مع ابرة فيتامين 20 سيسي
*اليوم الخامس ابرة المضاد الحيوي الاخيره مع نصف لتر ماء مخلوط مع البودر الاصفر90 جرام مع ابرة فيتامين 15 سيسي
*اليوم السادس نصف لتر ماء مخلوط مع البودر الاصفر90 جرام مع ابرة الفيتامين الاخيره 15 سيسي

ملاحظه مهمه
الصبح عطها شعير والمغرب عطها شعير وشوار مخلوط وباليل عطها برسيم واكرمها وان شاء الله بتشوفون اللي يسركم

ادري ان الابر كثيره بس الله يعينك ويشفي ناقتك وعلمنا اللي يحصل معاك ولاتنسانى من دعوتك