الفزعه خلفه تغص بالعلف ولا تاكل

شريت لي ذود قبل رمضان الماضي واخبرني راعيه الاول انه مايعرف الشعير ابد
عانيت من هالمشكله فكل ما تعشت البل طلعت ثلاث او اربع غصص لين اقول بتموت
قلت بعدين تعود عليه وبعد 5 اشهر اضطريت احول على المكعب مما شفت في هالمساكين كل يوم ورغوها يتزابد
الان على المكعب كل شي على مايرام واكلها زين ولا فيها الا العافيه
حبيت انقل لك تجربتي والله يوفقك

مع اخوي حاتم الشعير لاتعطيها ناشف لازم تنقعه بالماي اقل شي 3 ساعات

اخوي مثل مقال الاخ حاصل اليامي واللي يقصده الاخ حاصل يسمى ( حمام )

اخوي نفس الحاله بضبط عندي ولااعرف وش اسوي على العموم على هالرابط موضوعي
http://www.mzayan.com/vb/showthread.php?t=25387

لا تعطي الناقة لا مكعب ولا شعير

جرب فقط البراسيم وشف الناقة وش تسوي هي بتاكل او تغص

وللعلم البل تختلف وبعض الاعلاف ما تناسبها الا بعد فترة

وانا كان عندي ناقة تاكل المكعب والشعير ولكن اذا حطيت الشعير المهروس

غصت به وانفردت من البل وقامت ترجع وتزبد ولا ناسبها ابد وبعده ماعاد جبت المهروس وانت الان جرب البرسيم او جرب الشوار (( النخال )) ورشه

بالماء وشف الناقة واللي يناسبها