(الجرب) و (القحات)!

هو جرب وإلا قرع؟؟
وعلى العموم اغسلها بالجارة تراه أسلم يابن آخي
وحاول ترش المراح كل كم يوم

اذا توهم معاشير لاتعطيهم الابر الجاره انشاء الله تفيدك اطلها بالجاره

والخلفه لاتشرب حليبها اسبوع

لاهنت لاهنت ياعبدالمحسن على مرورك ونصيحتك بعين الاعتبار

جعل ماتشووف شر يابن العم

انا من رايي دام الجرب في بدايته يكفي انك تغسلها بالجارة المركزة او تغسلها بالوزر

لاهنت ياابن العم
على مرورك العطر

غذا الجرب في بدايته الجاره بأذن الله بتفي بالغرض , وإذا الجرب مبطي ومنتشر بالبل لا والله الأبره أفضل بكثير ووحده بوحده بأذن الله , لكن أهم شي المعاشير لا تعطيهم الأبره , والخلفه لا تشرب حليبها . والله يعافي أبلك وأبل المسلمين أجمعين .

اشكر مرورك العطر اخوي و لاهنت على النصيحه

السلام عليكم ورحمة الله وبركاته

اخوي اغسلها بالجارة كل اسبوع مره كل اسبوع مره ولمده ثلاثه اسابيع وابرة الجرب احذر منها تراها خطيره ؟؟ والخلفات لاتشرب حليبها ولا بعد شهر لان الابره سامه واي واحد يشرب حليب الخلفه الي مضروبه بابره جرب تراها تتلف كبد الانسان وتجيب فشل كلوي انتبه يا اخوي الابره خطيره جداً على الانسان ولاتشرب حليبها الى بعد شهر كامل للاحاطه اخوي,,

تحياتي لك اخوي وتمنياتي لك ولحلالك العافيه

اخوك ,,, عبدالله

اشكرك على مرورك العطر وايضا على نصيحتك وهي بعين الاعتبار

هالموسم طقيت البل كلها ابرة جرب لقحات ومعاشير ولا جاها الا العافيه بحمد الله

اشكر مرورك العطر والله يبارك لك في حلالك يارب