(الجرب) و (القحات)!

السلام عليكم ورحمة الله وبركاته
الموضوع بااختصار الجرب مشاء بالبل كلها بيوم وليله
والمشكله الاكبر انها كلها معاشير من الشهر ونص وفيها والعدد فوق 15
السؤال
ابرة الجرب والقحه؟
وش افضل انواع علاج الجرب؟
والخلفات مدة كم ماينشرب حليبها بعد العلاج؟

الغسيل بالجارة انشاء الله يفيد
وحاول انك تغسل البل كلها
وتكرر بعد كل فتره

أرحب يا بن العم

عطها ( الدكتوماكس الزرقا )
وما جاك في وجهي

بإذن الله ما عليها شر .. وإن كنت متخوف .. جرب في وحده ولا ثنتين

عموماً ابرة الجرب لا تضر اللقحة
وهذا الكلام من واقع تجربه شخصية

وسلامتكم

15 يوم لاتشرب حليبها

ولو تغسلها بالجارة المركزة وتحط كبريت حجر في الماء باذن الله كافي
واللي تشوفها تحتاج ابره عطها
والله الموفق

اذا توهم معاشير لاتعطيهم الابر الجاره انشاء الله تفيدك اطلها بالجاره

والخلفه لاتشرب حليبها اسبوع

جعل ماتشووف شر يابن العم

انا من رايي دام الجرب في بدايته يكفي انك تغسلها بالجارة المركزة او تغسلها بالوزر

غذا الجرب في بدايته الجاره بأذن الله بتفي بالغرض , وإذا الجرب مبطي ومنتشر بالبل لا والله الأبره أفضل بكثير ووحده بوحده بأذن الله , لكن أهم شي المعاشير لا تعطيهم الأبره , والخلفه لا تشرب حليبها . والله يعافي أبلك وأبل المسلمين أجمعين .

السلام عليكم ورحمة الله وبركاته

اخوي اغسلها بالجارة كل اسبوع مره كل اسبوع مره ولمده ثلاثه اسابيع وابرة الجرب احذر منها تراها خطيره ؟؟ والخلفات لاتشرب حليبها ولا بعد شهر لان الابره سامه واي واحد يشرب حليب الخلفه الي مضروبه بابره جرب تراها تتلف كبد الانسان وتجيب فشل كلوي انتبه يا اخوي الابره خطيره جداً على الانسان ولاتشرب حليبها الى بعد شهر كامل للاحاطه اخوي,,

تحياتي لك اخوي وتمنياتي لك ولحلالك العافيه

اخوك ,,, عبدالله

هالموسم طقيت البل كلها ابرة جرب لقحات ومعاشير ولا جاها الا العافيه بحمد الله

غذا الجرب في بدايته الجاره بأذن الله بتفي بالغرض , وإذا الجرب مبطي ومنتشر بالبل لا والله الأبره أفضل بكثير ووحده بوحده بأذن الله , لكن أهم شي المعاشير لا تعطيهم الأبره , والخلفه لا تشرب حليبها . والله يعافي أبلك وأبل المسلمين أجمعين .

وفقك الله وسدد خطاك كلامك 100%

الغسيل بالجارة انشاء الله يفيد
وحاول انك تغسل البل كلها
وتكرر بعد كل فتره

اشكر مرورك والله لايهينك

أرحب يا بن العم

عطها ( الدكتوماكس الزرقا )
وما جاك في وجهي

بإذن الله ما عليها شر .. وإن كنت متخوف .. جرب في وحده ولا ثنتين

عموماً ابرة الجرب لا تضر اللقحة
وهذا الكلام من واقع تجربه شخصية

وسلامتكم

لاهنت ياابن العم على مرورك والله لايحرمنا تواجدكم بينا وتوجيهنا بشكل الصحيح

15 يوم لاتشرب حليبها

ولو تغسلها بالجارة المركزة وتحط كبريت حجر في الماء باذن الله كافي
واللي تشوفها تحتاج ابره عطها
والله الموفق

اشكر مرورك العطر اخوي وافي لاهنت على النصيحه وهي بعين الاعتبار

السلام عليكم

انصحك الحين غسيلها بالجاره وعيد عليها بعد اسبوعين

وبأذن الله بتشوف نتيجه طيبه

وبالنسبه للابر انا جربت ابرة الجرب الفرنسيه للقاح بس لها مده في لقاحها من 6 او 8 شهور ولا ضرها

اما توها معاشير ماعندي علم والله

الغسيل اتوقع بيكفيها

ابرة الجرب لا تضر اللقحة

وهذا الكلام من واقع تجربه شخصية

وضربت الابر في متالي على وشك ولاد