كسر رجل البكرة فيه امل والا يخلف الله؟

السلام عليكم ورحمة الله وبركاته

الأخ الفاضل : تركي


حاول تعطي البركه الصبح (( حليب )) والمغرب عطها (( حليب )) وحاول تعقل يد وتعقل كل يوم ناقه عندها علشلن تقل حركتها .

ومن ناحيت دود جيب ديتول أبو سيف وحيه الاصلي مع جره وماء ورش الارض ومكان مبركها و
اذا قدرت كل يومين تغير مكانها يكون أفضل والله أعلم .

الله لا يهينك يا طلال جعل من جابوك في الجنه ....راي زين يكمل راي الرجاجيل اللي عطونا علومهم من قبل جعلك تسلم ...

السلام عليكم .. شكلي وصلت متأخر .. بس على شان ياللي يقرى الموضوع بعد فتره يستفيد

اخوي ..انا شريت بكره من الكبره مكسوره .. والكل احتج علينا ..حتى الاكل ما تاكله .. على بالنا انه فيها الكعب .. في رجلها ..اثاريها الناقه مكسوره .. وسكرها في كعب رجلها .. ورجلها غاديه مثل الطبل ..

المهم ..

حطينا الناقه في مكان ارضه لينه .. وجبرت الناقه بروحها .. ورشينا على جروحها مكان الوسم ديتول مع ملح وماي .. على شان الجرح ما يتعفن او يصيبه دود او جراثيم .. والحمد لله الناقه انجبر كسرها بروحها بس انجبر محيوس .. والحين تسير محيوسه للاسف ..بس نوخناها بعد فتره والحمد لله لحقه الحين وننتظر من الله الرزقه .. وعلى فكره سنها كان توها ثنيه

وللعلم .. ياللي يسرع الجبيره ماده اسمها " الموميان " بس حذارك ثم حذارك ثم حذارك .. تراه لو كان فيها كسر قبل ..او انه الكسر كان مجبور .. تراه طبيعي انه يفك الكسر .. ويجبره مره ثانيه .. وما انصحك فيها هالعشبه

مشكوور اخوي مبارك على الاضافة المشجعه جعل عمرك يطول ...وابشرك البكره والحمدلله حالها مستقر ...تاكل وتشرب ولا نقصت ...بس انها للحين باركه ما غير تتقلب في مكانها...وانشاء الله انها للاحسن ...

بشر يابو عمران وش لون بنيتك

اربها بخير

قامت على اربعها والا لا

مشكور ياعالي على السؤال الله لا يخسر علينا ولا عليك ولا على كل مسلم ....و الغالية باقية ما قامت ولكن حالها زين ابشرك ....وكل يوم صبح نعطيها حلبه وحليب وفيتامينات للعظام ونرش حولها والعلف قدامها ولله الحمد ما شافت نقص في صحتها ...وفي رجا الكريم الاكرم....

جزاك الله كل خير،،

بسم الله الرحمن الرحيم
انا انكسر عندي حاشي العام الماضي من الهجن الي عندي من تحت العرقوب فوق البرجم وجبرتة انا حطيت لة سنايف من اربع الجهات ولفيت علية جبص وخليتة)(ثلاث)(شهور وفكيت الجبارة ولاان في الميدان يجي رابع ’ثالث ولله الحمد ماعندة اي شي بس توكل على الله وتراها تسلم باذن الله

عندي بكرره عمرها شهريين انكسر سويلمها والحمد لله اجبرت وطيبه

والله لايخسرنا ويااك

السلام عليكم ورحمة الله وبركاته

بشرنا علي البكره ولاتنسي الحليب صباحا ومساء

الله يفزعلة

الله يبشرك بكل خير اخوي فواز ولا يخسر علينا ولا عليك ولا كل مسلم...متوكلين على الكريم الاكرم وبنسوي اللي علينا والباقي مفوضين امرنا للعلي القدير...

بسم الله الرحمن الرحيم
انا انكسر عندي حاشي العام الماضي من الهجن الي عندي من تحت العرقوب فوق البرجم وجبرتة انا حطيت لة سنايف من اربع الجهات ولفيت علية جبص وخليتة)(ثلاث)(شهور وفكيت الجبارة ولاان في الميدان يجي رابع ’ثالث ولله الحمد ماعندة اي شي بس توكل على الله وتراها تسلم باذن الله

الحمدلله على كل حال اخوي قاسم وعلومكم هذي تبشر بالخير الله لا يهينكم ولا يخسر علينا ولا عليكم ...

عندي بكرره عمرها شهريين انكسر سويلمها والحمد لله اجبرت وطيبه

والله لايخسرنا ويااك

وعليك السلام والرحمة والبركه ....و ابشرك يابن عقاب البكرة حالها زين والحليب يحلبون لها كل يوم مره على الاقل ونخلط معه شوي حلبه ونرش عليه فيتامينات وتشربه ولله الحمد كله....جعل من جابوك في الجنه...

السلام عليكم ورحمة الله وبركاته

بشرنا علي البكره ولاتنسي الحليب صباحا ومساء

الله يفزعلة

ابشركم ياخوان البكرة وقفت ولا فيها الا كل عافية لكنها مستنكرة الوقفة فعودت وبركت ولا اثقلنا عليها مخلينها على راحتها...الحمد والشكر للمولى عز وجل ثم لكم بشوركم ودعائكم الله يبارك لي ولكم وكل مسلم..

الف مبرووك على سلامة البكره وتستاهل كل خير ياتركي