عاجل الناقه ماتاكل وتنهت

اخواني بارك الله فيكم عندي ناقه توني شاريها والناقه ماتاكل ابد وتنهت ودها بالظلال

افيدوني جزاكم االله خير

رد: عاجل الناقه ماتاكل وتنهت

الله يبارك لك فيها خلها على كيفها لين تاكل والله اعلم ماقد حصلت معي ابد

رد: عاجل الناقه ماتاكل وتنهت

الناقة اذا تنهت ولا تاكل اغلب الظن انها حراره

خذ ميزان الحراره وحطة في مدمن الناقة وقس الحراره

وروشها وقت الظهر

رد: عاجل الناقه ماتاكل وتنهت

مثل ما ذكر لك اخوي نواف

واحتمال كذلك ناقتك فيها هيام

رد: عاجل الناقه ماتاكل وتنهت

الاخ سالم

السلام عليكم

حصلة عندي على ناقة نفس الحالة
ويمكنك الاطلاع على موضوعي في منتدى مزاين على الرابط التالي
http://mzayan.com/vb/showthread.php?t=36393

وانا قريت عن هالموضوع كثير وخصوصاً بعد معرفت نتيجة التحليل والي كان مرض تسببه طفيليات الانابلازما
وفيه كتابات عن هذا المرض في منتدى البيطرية العربية على ما اذكر
ابحث عن (طفيليات الانابلازما في الابل أو المواشي)
بتلقا اعراض المرض وطرق علاجة
لكن انصحك تحلل لها الدم بسرعة والعلاج اسرع
الناقة الي عندي من جاها المرض وانا اعطيها علاج ماخليتها ومافيه زود حال
يوم تزين ويوم تشين وفي رجاء رب العالمين
وتقبل تحياتي

رد: عاجل الناقه ماتاكل وتنهت

السلام عليكم
مساء الخير للجيع
الاخ سالم
من واقع تجربة

لكي تعم الفائدة لان هذا المرض خبيث ولاهو من السهل التخلص منه
صرت امر على البيطرية وانشدهم واستفسر منهم حتى اني اخذت رقم دكتور بيطري تابع للزراعة وشكلة رجال فاهم
ونصحني بالدواء المسمى ترايموسين الذي ذكره الاخ مسعود العماري وكذلك نصحني اكثر بهذا الدواء لان مفعولة طويل وفيه خافض للحرارة
عطيناها هالدواء
Hexasol LA
40 سم وعطيناها فص ثوم مرتين في اليوم
وتعافة شوي وكررنا لها الجرعة وحالها للاربع الايام الي راحت في تحسن واليوم احسن واكلها زان
وجعل الله يتم عليها
وحسب كلام البيطري كل ماستعجلت في العلاج كان احسن

رد: عاجل الناقه ماتاكل وتنهت

اعتقد بانها مصابه بالمالطيه

حسب الأعراض التي ذكرتها
سولها تحليل دم

رد: عاجل الناقه ماتاكل وتنهت

عبدالرحمن الوطين
نواف الحربي
سيف القحطاني
سطام الخالدي
فهد الاحمد

جزاكم الله خير وبيض الله وجيهكم على سرعة الرد
وملا يشكر الناس لايشكر الله

رد: عاجل الناقه ماتاكل وتنهت

ناقتك مذبوبه ( هيام ) الابره الفرنسيه ممتازه بس غاليه والهنديه تعطي نفس النتيجه ب25 ريال
كرر عليها الابره بعد 15 يوم وان شاء الله ماتشوف الا العافيه
علي فكره متاكد من كلامي ميه في الميه

رد: عاجل الناقه ماتاكل وتنهت

ان كان الناقه اصعدت عند راعيها الاول والا شي من ابله اصعد السنه ذي احتمال كبير الي فيها مالطيه يعطيك الخبر راعيها الاول
وان كان انه ماهو مالطيه مرر ايدك من عند عين الناقه ان شافتها عندها طفيليات في الدم وعطها الترايسومين وان ما شافتها عندها هيام وعطها السيملرسان الفرنسيه والا التراي كوين الهنديه
وان شاء الله ما عندها الا العافيه وطاري على طاري يمكن الناقه حانه لمراحها الاول

رد: عاجل الناقه ماتاكل وتنهت

علوم الناقه يامحمد بشرنا عنها وعلمنا عن خطوات العلاج