اقتراح (قصيده منتدى مزاين في وصف الابل)

السلام عليكم ورحمة الله وبركاته

كيف حالكم جميعا

انا عندي اقتراح وودي اشوف رايكم فيه

وهو ان يشارك من عنده استطاعه من اعضاء المنتدى في وصف الابل بابيات من الشعر وتكون على نفس الوزن والقافيه ونخرج

ب (قصيده منتدى مزاين في وصف الابل) يقوم بتنقيحها من ترون من مشرفين القسم او من ترون من اعضاء المنتدى

لكي نخرج بقصيده تليق بمنتدانا واعضائه وكل اهل صنف ولون من الابل يقومون بوصف مايحبون ونخرج بقصيده في كل الالوان
لكل لون قصيده خاصه



وانا من اهل المجاهيم

وهذي بيتين مني وارجو ممن حب يشارك ان يكمل على نفس الوزن والقافيه


[poem=font="Simplified Arabic,4,#FFFFCC,normal,normal" bkcolor="#FFFFFF" bkimage="images/toolbox/backgrounds/3.gif" border="solid,1,#006600" type=1 line=0 align=center use=ex num="0,#400000"]
ياعاشقين خيار سود المجاهيم=نبغي نوصفها لمنهو جهلها
كبار الجروم وضافيات الخراطيم=اللي بعض ميزاتها من فحلها[/poem]

صح لسانك اخوي راشد

واقتراح جميل

أقتراح رائع 0000
وقصيده رائعه من رجل رائع جدآ 0000000!!

صح اللسانك ياخوي راشد
وقتراح في محله
اقترح تحطو الجائزه بكره لكل لون
والبكره الافضل تكون من الدرجه الاولى

فااااااااااااااااالكم البكره

[align=center]أقتراح رائع

وقصيده رائعه[/align]

قتراح في محله

واشكر ابو مطر على تبرعه
بكره لاكل قصيده

فااااااااااااااااالكم البكار

ياستاهلون الرياجيل ويستاهل راعي الفكره راشد العرق
بس فهمت غلط يابو علي(بن هدفه)
والمعنى يقولون في بطن الشاعر أكيد عرفة قصدي ياراعي مشهههههههههههوره

مرحبا بالجميع

والله لايهينكم جميعا

والمفروض ان التفاعل اكثر من كذا وكنت متوقع اني بشوف كم بيت من عشاق المجاهيم
ولكن الى الان مافيه الا بيتين


ترى طراة الشي حي بحي

بيض الله وجهك يا راشد

وبيض الله وجهه ابو مطر على البكار

هههههههههه
ابو مطر الضاهر الربع يبونك اتوزع بكار

اقتراح طيب.........

وين الشعار.......؟

وجوايز طيبه..من ابو مطر؟ههههههه

[align=center]مشاركة بسيطه اتمنى تحوز على رضاء الجميع


[poem=font="Arial,5,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
ياعاشقين خيار سود المجاهيـم = نبغي نوصفهـا لمنهـو جهلهـا
كبار الجروم وضافيات الخراطيم = اللي بعض ميزاتها مـن فحلهـا
هزع المواخر مسندات المقاديم = واذانها شلف ٍ يقرب اجلها
وسنامها مابه توسط وتقديم = متوخر ٍ لردوفها ويعزلها
تقول بيت ٍ ضايق ٍ بالمعازيم = اليا رعت خضر الفياض ونفلها
اشحومها من فضل ربي مراديم = من فضل ربي ما يجيها هزلها
قلته وانا ماني براعي مجاهيم = شفي مع اللي كل صوت يعدلها
لاجاء نهار ٍ فيه للرقم تحطيم = تفوز به صفرا ً يهيضك عجلها
في مقدم القنطوش لاكنها الريم = صوت المدوه لاندبها هبلها
يالعرق اخلفنا مسار التعاليم = والكلمه اللي من معانيك قلها [/poem]


وسلامتكم [/align]

صح اللسانك وطال عمرك وعمر القارين على القصيده
يامحمد المطيري
فالك........
فالك البيرق

قلته وانا مانـي براعـي مجاهيـم
شفي مع اللي كل صـوت يعدلهـا

بيض الله وجهك يا محمد

وصح لسانك

وننتضر العرق يكملها لك

صح لسانك ابو علي على الفكرة والقصيدة

يبقى اختيار القصيدة؟ هل ترون يكون عن طريق لجنة ؟ ام عن طريق تصويت الاعضاء

************

شخصيا اقترح التوصيت

وبالتوفيق للجميع

فكره جميله وطيبه من طيب

وبيض الله وجهك عليها وصح الله لسانك على البيتين