اقتراح (قصيده منتدى مزاين في وصف الابل)

أقتراح وموضوع يستحق التثبيت و التفااااعل

بيض الله وجهك يا راشد

ارحب يابوعلي

وبيض الله وجهك على هذه الفكره الرائعه
ونتمنى من اهل المجاهيم الشعار انهم مايبخلون علينا بالوصف والابيات
وهذي بيتين لك وانا بكملها ببيتين اخرى انتظر باقي الشعرا المشاركه
واسمحو لي على القصور وانا معك بعد التكمله

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياعاشقين خيار سـود المجاهيـم = نبغـي نوصفهـا لمنـهـو جهلـهـا

كبار الجروم وضافيات الخراطيم = اللي بعـض ميزاتهـا مـن فحلهـا

امثالها تضرب على داجي الغيم = انشهد ان اللي خلقها عدلها

اعراض الوروك وفارعات المقاديم = وان دبرت فجحا وحسينً قبلها

ان اقبلت كنها ترا فالسماء ديم = وركز الاذاني خصلةً من اخصلها[/poem]


وانتظر التكمله والتفاعل

اخوكم

في منتدى مزاين عجيب التصاميم
تلقى البكار اللي تشوش بهلها
الا غدا في الشبك فرزن وترقيم
ذبت عمايمها وطارت اعقلها
دور لها لاصرت تحتاج تعليم
وبكار ابن هدفه تراها مَثلها

الله لا يهين الجميع على التفاعل

وخص من شاركو بابيات
محمد المطيري
وفهد بن صلبوخ
وعلى ال مرعي

وبخصوص اقتراحك يابومحمد اللي تشوفونه


ولكن ماشفنا مشاركات من اهل الوضح واهل الصفر والشعل

نبي منهم الله لا يهينهم قصايد خاصه باوصاف ابلهم
واول واحد منهم يبدا باول القصيده والباقين يبنون عليها مثل قيصدة المجاهيم

ونشوف احسن قصيده في وصف اللون المحبب للشعراء
واي لون بتكون قصيدتهم افضل واشمل


شكرا للجميع
اخوكم راشد العرق

صح لسانك اخوي راشد

واقتراح جميل

هذه الابيات بعد الدمج
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياعاشقين خيار سـود المجاهيـم = نبغـي نوصفهـا لمنـهـو جهلـهـا
كبار الجروم وضافيات الخراطيم = اللي بعـض ميزاتهـا مـن فحلهـا
هزع المواخر مسندات المقاديـم = واذانهـا شـلـف ٍ يـقـرب اجلـهـا
وسنامهـا مابـه تـوسـط وتقـديـم = مـتـوخـر ٍ لـردوفـهـا ويـعـزلـهـا
تقـول بيـت ٍ ضايـق ٍ بالمعـازيـم = اليا رعت خضر الفياض ونفلها
اشحومها من فضل ربي مراديـم = من فضل ربي مـا يجيهـا هزلهـا
امثالها تضرب على داجي الغيـم = انشهـد ان اللـي خلقهـا عدلهـا
اعراض الوروك وفارعات المقاديم = وان دبرت فجحا وحسيـنً قبلهـا
ان اقبلت كنها ترا فالسمـاء ديـم = وركز الاذاني خصلةً من اخصلها
في منتدى مزاين عجيب التصاميم = تلقى البكار اللي تشوش بهلها
الا غدا في الشبك فرزن وترقيم = ذبت عمايمها وطارت اعقلها
دور لها لاصرت تحتاج تعليم = وبكار ابن هدفه تراها مَثلها[/poem]

[align=center]صح لسان اخواني الشعراء على قصائدهم الطيبه
اسمحوا لي بهذه المداخله
ولو ان مجال الوصف صعب كما ان القافيه ماخلتنا على كيفنا
وكتبت اللي ربي قدرني عليه وعساها تحوز على الرضا

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياسعد من عنده من البل مجاهيم=نخبه ولابه فالجزيره مثلها
عزالله انه ماشتكى الدين والضيم=ولاشتكى من قوم تمنع فحلها
وان جات شوط فيه لجنه وتحكيم=بتفوز بالراحه ولااحداً سملها
زين الغلا فيها وباسرارها مقيم=ولاخاب من فيها جهوده بذلها
لو امتلكها كان فارقت سبكيم=الشركه اللي ممتحني عملها[/poem][/align]

صح لسانك يالمطيري وعز الله انك فحل ولد فحل وتسلم يالغالي على هالابيات

اقتراح طيب جداجداجدا

صح لسانك عز الله انها ابيات جزلة

بيض الله وجهك يالعرق

على الفكره الطيبه والناجحه

وموضوع يستاهل التثبيت

وربعنا اهل المجاهيم طلعوا كلهم شعار

مير عسى يطلع فينا شاعر ياهل المغاتير وياصفهن

نختريكم ياشعارنا عجلوا علينا

لاياخذون اهل المجاهيم الثنتين

الابل

والقصيد