شـارك معنا لمعرفة عموق مشاهير الابل و الركاب المنتجه

[align=center]
بـسم الله الرحمن الرحيم


الـسلام عليكم ورحمة الله وبركاته ..

تحيه طيبه ومعطره لكم ,,,,

أخواني الأعزاء الكرام اليوم جايكم بموضوع ولاكن مهب موضوع صور ولا مقاطع

فيديو جايكم بموضوع لمعرفة أباء الركاب المنتجه ومشاهير الابل وأمهاتها لتعم الفائده

للجميع ولتزويد وتثقيف أنفسنا في هذا المجال ..

وعلى العموم يرجى التنبيه فقط ,, بقدر المستطاع لاينسب البعير إلى أب وأم إلا بعد

التأكـد من مصداقية المعلومه ,, وعلى من يحل السؤال يبداء بسؤاله
نبداء بسم الله
وحـــــــــــــيــــــــــــــــــدان الجهيم إلي أنباع على سمو الأمير الملكي / متعب بن عبدالعزير
من أبيه وأمه ومنهو من أبله [/align]


ملاحظه: سيتم حذف اي مشاركة لا تثري الموضوع منعا للتضخم عديم الفائده

اررررررررررررررررررحب

وفكره ممتاااااااااااااااازه جدا وتستحق الشكر والاشااااااااااااده

اما من صوب الجواب


وحيدان ابيه حجاب وامه اللي نزلا الزميل فوزان التميمي <== ذكي

وكان عند ال جهيم وباعووه على الامير متعب بن عبدالعزيز

اتمنى انه اوكي

[align=center]أرحب يابو حمد ولا هنت على المرور المشرف وأنا ادري أن ألي راح يرد

بيقول أن أبيه حجاب فعلا شـان كذا أول بعير ذكرته هو وحيدان

أب البعير وحيدان هو مصوتان المنيه وهاذي معلومات موثوق منها من مصادر موثوق بها

لي أنا شخصيا" ..

فشكرا" لكـ يالغالي

بس وين مشاركتكـ يابو حمد فالبعير ألي بتذكره ؟

مصوتان المنيه[/align]

مرحبا يابو فلاح والموضوع كثير حساس وخطير ومبطن مثل ماتقول قناة الجزيرة وخاصة عند اهل الركاب المنتجة ان قريت مقابلة لابن جهيم ان ابو وحيدان مصوتان وسمعت غير ذلك من مصادر قريبه ويمكن فية اكثر من بعير اضرب امات هذي الركاب المنتجة في اوقات قريبة بحيث لايدري راعيها هي لقحة من الاول او الثاني وكلها طيبة بس ماتقدر تحلف عليها وفية ركاب دخلته الشبهة بانها مشروكة بس ماتقدر تحلف عليها والاجابة عند اهلها وعند جهينة الخبر اليقين وهذي ترجع في ذمته .

بيض الله وجيهكم
وعندي اقتراح للاستفاده أكثر ياليت يكون فيها صور يكون ازين
صورة الاب والام ولا الاب أو الام فقط اذا حصلت
تحياتي
فهد ال زبدان

اررررحب ياسالم فكره ممتزه من رجال ممتز
وفكره فهد الزبداني بعد ممتزه ياليت يكون فيه صوره الاب والام
ولاهنت يا سالم على الموووضوع الطـــيب

[align=center]مرحبا بالجميع ولا هنتو على المرور والتفاعل

الأخ: محمد أبن عدوه حياكـ الله ومروركـ على موضوعي شرف كبير

وكلامكـ على العين والراس .. بس ماجينا هنا في هالمنتدى ألا على شـان نستفيد من مثلك وشرواكـ

والركاب ألي فيها شكه مالنا فيها عازه حن نبي نعرف أعموق الركاب المسماه ألي عليها الكلام

ولا ألي فيها شكه مانقدر ننسبها إلى ركاب ماهي تعرق فيها لمراعاة شعور أهاليها ..

وفكـرتكـ يافهد ممتازه وطاريه علي بس راح تكون صعبه لجلب هذه الصور

ولكن ألي بيجيبها صايد عصفورين بحجر وبيض الله وجهك على وجهت نظركـ

ونبي منكم تفاااااااااااااااعـل لتعم الفائــده للجمـــيع ..

ولكم مني جزيل الشـكر ,,


ملاحـظـه : أنا أشوف الشباب يدخلون ومايشاركون بتنزل الركاب وذكرها ؟
طيب أنا بشاركـ


بعير أبن منخس كحيلان ؟ من أبيه وأمه [/align]

مرحبا ياسالم المحميد ولاهنت على الموضوع المميز

وأنت كلك تميز وبعير المنخس مكحولان ابيه معيظان

ابن كلوان اللي شراه محمد بن زايد الخيارين ومات

عنده وأمه مكحوله وهي من خيرة ابل المنخس وأعتقد انها ماتت

اما سؤالي فهو عن الأزهر بعير ابن جلمود ويش

ابيه وأمه

السلام عليكم ورحمة الله وبركاته

الله لايهيتنكم على الموضوع المميز

اما بنسبه لسؤال الاخ سعيد بن علي عن الازهر فهو ولد صغيران المعروف باسم هجفان وام هجفان الصغيره
من ابل الامير فيصل بن محمد بن شريم وابو هجفان هديان المسمى بهديان ابو لحي هذا من صوب ابيه
اما من صوب امه فهو على ديكه بنت مفرعان ومفرعان من أبل ال بريد المداحيس
وسمحو لي على الاطاله لكن حبيت اوضح للاخوان الزائرين عن عموق الازهر

[align=center]مرحبا ياسعيد بن علي ولا هنت على المعلومات الطيبه ولا هنت على المرور




يمنــاكـ يابو ولــيد

لاهنت على المعلومات الطيبه ..

لكن وين بعيركـ ماذكرته

الله لايهينك لاتأخر علينا [/align]

ارحب يابو غنيم تراحيب الحيا....
فكرة طيبه ومن وجه طيب

اما بنسبه لسؤال فهوه عن رمحان ابو الفحل الوافي فحل بن قروش وش اصله

السلام عليكم ورحمة الله وبركاته

الله لايهيتنكم على الموضوع المميز

اما بنسبه لسؤال الاخ سعيد بن علي عن الازهر فهو ولد صغيران المعروف باسم هجفان وام هجفان الصغيره
من ابل الامير فيصل بن محمد بن شريم وابو هجفان هديان المسمى بهديان ابو لحي هذا من صوب ابيه
اما من صوب امه فهو على ديكه بنت مفرعان ومفرعان من أبل ال بريد المداحيس
وسمحو لي على الاطاله لكن حبيت اوضح للاخوان الزائرين عن عموق الازهر

ارحب
يا سالم
ومشكور على الموضوع الطيب

بالنسبه يا خوي خالد للازهر

جينا أنا واخوي سالم لبن جلمود في مراحه

وقال لنا ان الازهر على بعيران بعيرهم الهرش الي مات

واتمنى من اخوي سالم التعقيب

السلام عليكم ورحمة الله وبركاته
الله يمسيكم بلخير جميع
أخي ياسر الدوسري بنسبه لتعقيبك يمكن تكون فااهم غلط او ابن جلمود فهم سوالك غلط
انا من اهله واقولك الازهر على هجفان
اخي سالم المحميد الله لايهينك على الموضوع المميز اما سوالي عن البعير فاترك المجال للاخوان

[align=center]أرحب يابو حمد وحياكـ الله

أبو حمد مثل ماقال الأخ / خالد أنت فاهم غلط ألي على بعيران البعير ألي حن دخلنا عليه

مع أنتاجه

أما الأزهــر مافيه كلام أنه على هجفـان وكلام أبو علي ميه فالميه ولا عليه تعدي [/align]

[align=center]يالربع راشد المطيوعي يسألكم عن رمحـان

نبي منكم الإجابـه


ننــــتظـر[/align]