شـارك معنا لمعرفة عموق مشاهير الابل و الركاب المنتجه

بالنسبه ل رمحان ابو الوافي ابو بعير الشعفولي شاريه بن قروش وهو حاشي من ال عليان ال عذبه

ورمحان سلاله نادره جدا وموجود بعض من هذي السلاله ومتوزعه عند العذبه ومحافظين عليها

والبعير اشتراه برجس ابو كبدين رحمه الله ومات عنده

المصدر فهد بن قروش

[align=center]السلام عليكم ورحمة الله وبركاته ،،،


الأخ سالم بيض الله وجهك على حرصك على العلوم الطيبة ومن اهمها حب البل،،،



ثانياً الفكره ممتازة من ناحية تثقيفنا من ناحية السلالات النادرة ،،،


ولو انه بيصير فيها خوض في اشياء مالها داعي،،



انا بانشدكم اما اعتبروه سؤال عادي والا اشتراك معكم،،،




((صلفان ال شافعة ويش اييه وويش امه ووين انتاجه غير بعير ابن درعه))[/align]

[align=center]أرحب يابن مرهي

وحياكـ الله وماعليكـ زود الله يحييك

وبالنسبه لصلفان الـشافعه أعطي المجال لغيري يجاوب على سؤالكـ ..


ولا هنت على المرور [/align]

السلام عليكم ورحمة الله وبركاته

وعن صلفان ال شافعة جاني خبر اكين عن ابوه وهوه قعيدان فحل الرامس المنهالي

وقعيدان مشري من عند صالح بن العرق المري مبطي

واما عن انتاج صلفان ال شافعة وام الفحل الربع بيفيدون عنه بذن الله وسلامتكم

وعندي سوآل عن خشبان فحل العصلب المري وش اصله ومربط الفحل خشبان

[align=center]مرحبا يالمطيوعي لاهنت على المعلومه ،،،



وخشبان العصلب من سلاله معروفه عند الغفران وهي من اطيب ما عند ال مره من ناحية الأصل ،،،



حيث ان الشيبان كانوا يضربون المثل بهديان ال العصلب يقولون والله يافلان بعيرك ماهو ب هديان ال العصلب،،


وخشبان من هذا المربط وابيه هديان العود ابو هديان الي بيع بمليونين على واحد من ال سعود،،،


وال هديه معروفه مافيها كلام ،، وسلامتك ،،،



تقبل تحيــــ محمد بن مرهي ـــاتي[/align]

بيض الله وجيهكم جميعاً على هالفكرة
وعزالله انها تنحسب لحساب من طرحها
وهذا الشي اللي حببنا في هذا المنتدى
وهو الرجال اللي شرواكم يثيرون الافكار الحلوة ويثرونها بالنقاش
اما سؤالي فهو عن خروفان بعير ال ابوصلعة

خروفان بعير ال ابوصلعة ولد معيضان الكلوان وأمة الخروفه
و معيضان الكلوان أبيه وحيدان الأملح أمة معيضة من أبل القوز
هذي الي عندي من معلومات

عندي استفسار قعيدان الرامس من ابيه ومنهي امه

الله يبيض وجهك يابوغنيم
وصراحه الفكره جدااا ممتازه وانا مجرد ماتصفت استفدت الكثير
بس يلزم التأني في الردود المشكوك فيها من اجل الفائده
والفضل يرجع لله وحده ثم سالم جعل يسلم على ذا الافكار الرائعه
وفعلاا ابوغنيم مكسب كبير للمنتدى

واللي ابي اعرفه الفحل حجاب اللي راح عند الامير متعب وش ابوه وامه؟؟؟؟

عندي استفسار يالربع عن الكايد بعير بن جخدب القحطاني وش ابيه وش امه؟

[align=center][align=center]الـسلام عليكم ورحمة الله وبركاته
مرحبا بالجميع وحياكم الله ولا هنتو على المشاركات والتفاعل الغير مستغرب من شرواكم

وعزالله أن الفخر لي أنكم راضيين على ذالفكره ..

ولـكن فيه ملاحـظه بـسيطـه ياليت لو تجنبونها لمراعاة الجميع

ألي هي المشادات في بعض الأراء وهذا الموضوع حط للأسـتفاده ولـيس الأتجاه المعاكس

أتمنى منكم فضلاً " وليس أمرا" أي واحد عنده أنتقاد ياليت لو إتواصل مع صاحب الرائي

على الخاص أفضل من العام لتجنب الفهم الخاطئ

ولكم مني جزيل الشكـر [/align][/align]

[align=center]

الله يبيض وجهك يابوغنيم
وصراحه الفكره جدااا ممتازه وانا مجرد ماتصفت استفدت الكثير
بس يلزم التأني في الردود المشكوك فيها من اجل الفائده
والفضل يرجع لله وحده ثم سالم جعل يسلم على ذا الافكار الرائعه
وفعلاا ابوغنيم مكسب كبير للمنتدى

واللي ابي اعرفه الفحل حجاب اللي راح عند الامير متعب وش ابوه وامه؟؟؟؟

أرحب يامحمد وحياكـ الله وهـذا أبركـ المواضيع ألي صالح" لكـ

وماعليكـ زود الله يحييكـ وهـذا من حسن ذاتكـ

وبالنسبه للفحل حجاب وعلى حسب ماوردني من مصادر موثوق بمصداقيتها

أن الفحل حجاب هو أصلا" أسمه معديان وسبب تسمية حجاب

أنه كان محجوب عليه لانه كان مريض وأبـيه من أبل الكرابيه

وأمه معديه من أبل الكرابيه أيضا"

وأتمنى أنـي وفقت في المعلومات ..[/align]

ياربع انتم نسيتو السوال اللي وجهه اخوي فهد ال زبدان

عن قعيدان بعير رامس

انا المعلومات اللي عندي انه شاريه من راشد العرق 45000 من زمان

وولعلم ان المعلومه سامعها من راشد العرق جاينا في المزرعه في القروى
على طريق حرض وبعد العيد ان شاء الله راح اصور قعيدان لانه قريب من مزرعتي ..

وراح انشد اخوي فهد الشيخ الرامس بنفسه يمكن يزودني بعلم


ومشكورين على الموضوع والفكرهـ

(نعيد الاستفسار) يالربع الكايد بعير بن جخدب القحطاني وش ابيه وش امه؟

اللي عنده معلومات يفيدينا ولا عليكم امر

(نعيد الاستفسار) يالربع الكايد بعير بن جخدب القحطاني وش ابيه وش امه؟

اللي عنده معلومات يفيدينا ولا عليكم امر

يا مرحبا يا ابو محمد يقول راعيه أنه علىبعير حجاب بعير مرزوق الكربي
هو من أبل الكربي أشتراه أبن جخدب هو مفرود