الفحل المري الفاخر يامدور الانتاج

سومة طيبة ووجهك أطيب لكن كلمت راعيه وحاولت فيه وماهو بايعه بأقل من سومته عموما أنا حاولت أنزل مقطع فدية لحوارة مفرودة من انتاجه لكن ماأدري وش اللي صاير في موقع تحميل الملفات ماهو راضي يحمل مقطع الفديو ياليت من يعرف المشكلة يشرحها لي علشان أوفي بالوعد وتشوفون مفرودة حلوة مرة من انتاجه

يا أخوان الرجال ذكر سوم البعير
والمفروض إن الواحد منا ما يسوم من دون السوم المذكور إلا إذا سمح راعي البعير بالسوم ولا قال أفتحوا بابه من جديد
وغير كذا يا تسوم بأزود ولا أدع له بالبيعة الطيبه

وسلامتكم

حياك الله يا ناصر

تم اضافة مقطع الفيديو للموضوع الاساسى

76000الف ريال والله الموفق

كفو والله ياسعد حظ من جاء البعير على حظه سومتك طيبة ياسعد وانت أطيب وراجع الخاص بارك الله فيك

يامرحبا ياناصر ولا عليك زود وللعلم اتصل عليك جهازك مغلق

الرجاء الاتصال على الرقم بعد اذن المشرفين (009745671453)

السلام عليكم ورحمة الله وبركاته,
اخوي ناصر ولا عليك أمر نبي موقع البعير عاجلاً وابشر بالسومة الطيبة ان شاء الله
وتقبلو تحياتي,
ج 0505485167

موقعه قريب من الجنادرية حوالي 10 كلم وعمره بالظبط 9 سنوات أكبر إنتاجه الحين جذعه وسنه شاق نابه الأول وباقي اعلومه عند راعيه

الاخ صالح البصير هذا الموقع

أرجو من الأخوة اللي يسومون عبر النت ثم لايضعون وسيلة إتصال أو إذا تم الإتصال عليهم لايردون أرجو منهم فضلا وتكرما إذا كانوا ليسوا قد السوم فلا يسومون لأن مثل هذه الأسوام أو نسميها النجش تظر ولا تنفع

سلام عليكم ورحمه الله وبركاته مشكور اخوي على الكلام وبعدين اتصل والجوال كان مغلق وبعدها يرن ولا يوجد اي رد اكثر من مره وانا مازلت صااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااامل

يامدورين الفحول لايطوفكم الفحل طيعوا شوري يالربع ترى راعيه يبغا يوديه بكرا الخميس لواحد من كبار شريطية السوق طالبه منه وبتذكرون كلامي لكم إذا طيروا قيمته فوق وانا سافطه للقناي البعير الزين النظير الطويل شرط الرجال مايطول غاربه المنتج المسيس الطبع الزين السالم من كل العذاريب عموما تراني سفطته لكم وأنا عارف إنه كثير من الناس ماخوفهم إلا قيمته ليش فحل منتج وهذي قيمته ولا شك إن استغرابهم في محله لكن إذا كان راع الفحل يقول أللي يبي يشوف إنتاجه عند العرب يجي يمنا في يبرين وأنا أوقفه على بناته حقايق ومفاريد وحواره توها جايه ماشاءالله عليها مزيونه عندهم ويسألهم بنفسه وهذي يالربع ماهي غريبة وتحصل أحيانا عند بعض الناس والفحل هذا ماهو كل انتاجه مزاين لا لكن عطه النياق الحلوه وترج الله فيه والصامل اللي يبي الفحل يشغل الموتر ويجي يشوف على الطبيعة ويترك عنه الاتصالات والكلام وسلامتكم,,,,,,,,
وأنا يالربع تراي مجتهد وقد أكون مصيب وقد أكون مخطئ ولكن إن أصبت في كلامي فهو من توفيق الله وإن كاني مخطي بتقديراتي فحسبي إني قصدت الخير ولا يعلم الغيب إلا الله

الله يرزق راعيه والله الفحل ماعليه كلام وأنا هاتفت راعيه والرجال ماتلحقه العلوم وعطاني التفاصيل كاملة.

والله لو معي دراهمه إنه مايفوتني.