اللي عنده سوال عن زيان الابل ما عدا المجاهيم

تحيه

الاخ عادل الروقي

وعليكم السلام ورحمة الله وبركاته

نسأل الله ان يبارك لنا ولكم ولجميع المسلمين

بالنسبه للقعود في نظري طال عمرك مايصلح فحل

دور لك قعود غيره

لان القعود ذا في عذارييب كثيره ولا فيه شي يجذب
لان القعود الفحل كايد واذا بغيت تفحل القعود ذا
والعلم عند الله سبحانه ماهو طالع فحل عليه الكلام

راس القعود عادي جدا ومتساوي وله عيز

المزحمي

جعلك تسلم يابو مطلق
ومانستغني عنك وعن نظرك وتوجيهاتك
الله يجزاك خير
وينفع بك المسلمين
وتراني يمكن اكثر عليك واشورك وآخذ رايك بغيره و غيره وغيره
تحملنا- الله لايحرمنا من حلمك علينا - شاكر ومقدر - تحياتي-

تحيه

الاخ العزيز عادل

حياك الله في حزه .والساعه المباركه

واذا بغيت اي حاجه انا حاضر لك ولاخواننا اعضاء المنتدي

هذا قعود مفرود وش رايك فيه يابو مطلق ( مميزاته ، عذاريبه ) وتراه داخل علي بغالي وفي قلبي اغلى
( بس خذ راحتك _ تمون _ وعطنا علمك )
وساسه طيب بالحيل ( في ذمة اللي شريته منه ) ( وإن شاء الله انه ثقه )
يقول انه من نسل (هياف) وانا ماشفت ابوه ولا خواته
والسموحه اذا كثرت عليك.

الاخ العزيز عبدالله السلام عليكم شكرآ على الرد الوافي وفعلا المطلوب صور لان الشرح من الناحيه النظريه غير الصور والمواصفات للفحل المميز معروفه للكثيرين ولكن الصور توضح اكثر في الختام شكرآ جزيلا لك واسال الله ان يجعل جهودكم في موازين اعمالك وجزاك الله خيرآ اخوك|عادل الناصر

تحيه

الاخ عادل الروقي

وعليكم السلام ورحمة الله وبركاته

نسأل الله ان يبارك لنا ولكم

القعود مبروك وفيه مميزات وفيه عذارييب

القعود فيه خنبه واذنه رديه وكذلك لونه ماهو الوضاح المطلوب وتشره على سباله


خد القعود ماهوب شين وكذلك رقبته ما عندها خلاف

والاهم من كل اللي قلناه الساس .اكبر غلط طال عمرك انك تشتري قعود ما شفت ابوه وامه وخواته

ولا عليك من كلام الناس المفروض قبل لا تشتريه انك شايفن ابوه وامه ومتأكد من ساسه لان

اللي يخاف من الله قليلفي هاذي الايام الا من رحم الله .وياما شفنا من الكذب الكثير والغش ولا

يخفى عليك.وتقدر الان اذا انت عارف الرجال اللي شريت منه ان تسأله قله ابغى اشوف ابو القعود

واتأكد من ساسه

والله يوفقنا واياك

تحيه

الاخ عادل الناصر

لا شكر على واجب ونسأل الله ان ينفعنا واياكم

التصوير يا اخ عادل يظلم المطيه ظلم كثير

فيه صورة ناقه شفتها ما تسوى 10الاف

ويوم شفتها على الطبيعه ولا هي عكس الصوره

الا اذا كان راعي الناقه يعرف التصوير يقدر

يطلع الصوره كويس

ومرحبا بك

يا أبو مطلق , الله يمسيك بالخير , كفيت ووفيت , الله يبيض وجهك . وعلومك كلها غانمه وسمينه . الله يبارك فيك . ويجزاك خير الجزاء .

الله لايهينك يابومطلق وعسا عمرك طويل
وعلمني بالقعود ( السابق ) أفحله او ماينفع فحل عليه العلم
وحط في بالك شكله الحين وهو مفرود وكل ماكبر يتغير الشكل
واذا فرضنا انه من ساس هياف وتأكدنا - عطني العلم الوكاد .
ادري اني كثرت عليك وزودتها معك بس أموووون وتحملنا
وابشورك في القعود هذا - واشكرك على سعة صدرك .

ابو مطلق الله لايهينك ابي رايك بهالقعود

تحيه

الاخ عبدالله الجدعان

الله يمسيك بمثله

وجزاك الله خير على الدعاء

تحيه

الاخ عادل الروقي

اذا تأكدت من ساس القعود فيه كلام ثاني

يمكن طال عمرك ان ام القعود ولا ابوه اما اشعل ولا اصفر

تأكد ونسأل الله ان يعين

ابو مطلق بانتضار ردك والله لايهنك

تحيه

الاخ مشعل بن فهد
السلام عليكم ورحمة الله وبركاته

نسأل الله ان يبارك لنا ولكم

القعود اظنه طوله زين و وضاحه طيب

وعذارييبه القعود اركز ومتساوي وغاربه ردي وكذلك ظهره

ووجه القعود عادي جدا وعليه ملاحظات كثيره

وانصحك لا تفحله شف لك قعود غيره

ونسأل الله التوفيق لنا ولكم ولجميع المسلمين

اخوي عبدالله ماقصرت جهودتشكرعليها
من الجميع
المطلوب رايك يابومطلق في القعود الحمر
ابوه ساحلي ومعروف وامه ايضا ساحليه
وتوه حوارماكمل سنه.

------------------------------------------

[BIMG]http://files02.arb-up.com/i/00019/56rsa2leg149.jpg[/BIMG]

الصوره الثانيه
[BIMG]http://files02.arb-up.com/i/00019/lmm6497acapc.jpg[/BIMG]

الصوره الثالثه
[BIMG]http://files02.arb-up.com/i/00019/bfyai5ag574x.jpg[/BIMG]